सञ्चारमन्त्री बास्कोटाले आलु खन्दै भने ‘भ्रष्टचारको हरेक दुलो खोज्ने छौँ’
सुचना तथा सञ्चार, प्रविधि मन्त्री गोकुल बास्कोटाले भ्रष्टचार मुक्त समाज निर्माणमा वर्तमान सरकारले कुनै कसुर बाँकी नराख्ने बताएका छन् । राज्यमन्त्रीबाट मन्त्रीमा बढुवा भएको भोली पल्ट काभ्रेको ढुर्खक भएको प्रथम काभ्रे आलु महोत्सवमा सहभागि भएका हुन हरेक दुलो खोतलेर भ्रष्टचारीलाई कारबाही गर्ने बताए । “जसरी आलु खन्दा, स साना चिचिला पनि टिपिन्छ, उनले भने “भ्रष्टचार उन्मूलन गर्न पनि सरकारले सबै किसिमको शक्ति प्रयोग गर्छ ।”
कृषकको खेतमा आलु खनेर महोत्सवको मन्त्री बोस्कोटाले उद्घाटन गरेका थिए । उनले तरकारीमा रहेको सिण्डिकेट पनि तोडेरै छाड्ने बताए । “तरकारीको सिण्डिकेटका बारे सरकार जानकार छ, उनले भने “मुलुकमा ब्यस्त रहेका सिण्डिकेट नतोडेसम्म समाजले काचुँली फेर्दैन् ।” उनले हावा पानी अनुकुल खेती गरेर मुलुकलाई आत्मनिर्भर बनाउने दाबी समेत गरे । चुनावको बेला गरेको अधिकांश बाचाहरु यो सरकारले पुरा गर्ने उल्लेख गर्दै मन्त्री बास्कोटाले अबको ५ वर्षपछि पनि कम्प्युनिष्टकै सरकार चाहियो भन्ने गरी काम बताए ।
भिडियाेमा हेराैँ मन्त्री बास्काेटाले खानेकाे अालु
सरकारका प्रबक्ता समेत रहेका मन्त्री बास्कोटाले नाका बन्दी लगाउने छिमेकीहरु अहिले रेल र जल मार्ग बनाइ तत्पर रहेको भन्दै दलहरुको सहकार्यबाटै विकास निर्माण अघि बढ्ने बताए । “१९५० को सन्धी पुनरावलोकन गर्न र रेल मार्ग बनाउन छिमेकीहरु तयार भएर बसेका छन्, उनले भने “देशलाई सहि दिशामा अघि बढाएर विकास सम्भव छ भनेर देखाउने बाहेक यो सरकारसँग अरु कुनै विकल्प छैन् ।”
