Logo

नेकपाको केन्द्रीय सदस्य छनौटमा काभ्रेका लालध्वजको आपत्ति



काभ्रे । नेपालका दुई ठूला कम्युनिस्ट पार्टीको एकीकरण पश्चात नव गठित नेपाल कम्युनिष्ट पार्टीको केन्द्रीय समितिमा नसमेटिएको प्रति तत्कालिन माओवादी केन्द्रका नेता एवं पूर्व उर्जा राज्यमन्त्री सूर्यमान दोङ लालध्वजले आपत्ति जनाएका छन् । पूर्व माओवादी केन्द्रले केन्द्रीय कमिटीको नामावली सार्वजनिक गरेसँगै नेता दोङले जनयुद्धमा अतुलनीय योगदान दिएको काभ्रे जिल्लालाई अपमान गरेको र यस्तो अपमान आफूले नसहने अभिव्यक्ति दिएका छन् ।

त्यसो त सार्वजनिक रुपमै काभ्रे जिल्लाका अन्य नेताहरुले पनि असन्तुष्टि पोख्दै आएका थिए । काभ्रेबाट केन्द्रीय समितिमा तत्कालीन माओवादी केन्द्र काभ्रेका इन्चार्ज तथा पूर्वऊर्जा राज्यमन्त्री सूर्यमान दोङ लालध्वज र कमान सिं लामा नव गठित नेकपाको केन्द्रीय कमिटीमा पर्ने चर्चा थियो । काभ्रेबाट तत्कालिन माओवादी केन्द्रको तर्फबाट कमान सिं लामालाई मात्रै समावेश गरिएको छ । सूर्यमान दोङ छुटेका छन् । उनी एकीकृत तामाङ राष्ट्रिय मुक्ति मोर्चा नेपालका संयोजक समेतको जिम्मेवारीमा छन् । केन्द्रीय कमिटी सदस्यको छनौटका क्रममा आफू नसमेटिएपछि नेतृत्वले विवेक नपु¥याएको भन्दै नेता दोङले नेतृत्वप्रति गम्भीर आपत्ति जनाएका हुन् ।

त्यस्तै सामाजिक सञ्जालमा असन्तुष्ट पोख्दै काभ्रेका नेता इन्द्रबहादुर थिङ छिन्ताङले पनि आफ्नो असहमति जाहेर गरेका छन् । उनले भनेका छन्– ‘काभ्रेली जनता र काभ्रेबाट रगत बगाउनु हुने २ सय ८० जना वीर शहिदमाथी घोर अपमान नेतृत्वबाट भएको छ। नेकपाले आज सार्वजनिक गरेको ४ सय ४१ जनाको नामवलीभित्र माओबादी केन्द्र पट्टीको भागको २०० जनाको नामवलीमा काभ्रेबाट काभ्रे कार्यक्षेत्र भएका कुनैपनि नेताको प्रतिनिधित्व नहुनु निर्णय गर्ने नेताको ठूलो राजनैतिक अपराधको रुपमा तत्कालिन जनयुद्धकालिन काभ्रेली नेताहरुले लिएको बुझिएको छ ।

काभ्रेका अन्य विभिन्न तहका नेता कार्यकर्ताले पनि यो निर्णयप्रति असन्तुष्टि जनाएका छन् । तत्कालीन नेकपा माओवादीले सञ्चालन गरेको जनयुद्धका क्रममा रोल्पा, रुकुम, सिन्धुलीपछि काभ्रेको नाम आउने गरेको थियो । २०५३ पुस १९ गते रामेछापको बेथानमा सफल फौजी आक्रमण गर्दै तत्कालीन काभ्रे–रामेछाप इन्चार्ज काभ्रेली नेता तीर्थ गौतमको नेतृत्वमा पूर्वी कमाण्डमा आक्रमणको थालनी भएको थियो । काभ्रेबाटै पूर्वको फौजी आक्रमण सुदुरपुर्वसम्म विस्तार भएको तत्कालिन जनयुद्धकालिन काभ्रेली नेताहरु स्मरण गर्छन् । काभ्रेको योगदानको कदर नभएको भन्ने अधिकांश नेताहरुले कतिपय जिल्लाबाट नेकपामा आधा दर्जनभन्दा बढी केन्द्रीय सदस्यमा मनोनित भएकोमा भन्दै दुखेसो समेत गरेको पाइएको छ ।

प्रतिक्रिया दिनुहोस्
शिक्षा

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार