पनौतीको अरुणोदयमा स्वास्थ्य शिविर
पनौती÷काभ्रेको पनौतीमा रहेको अरुणोदय माविले गौतम बुद्ध अन्तराष्ट्रिय मुटु अस्पताल काठमाण्डौंको सहयोगमा शनिवार स्वास्थ्य शिविर गरेको छ ।
अस्पतालका बरिष्ठ मुटु रोग बिशेषज्ञ डा.विकास सुवेदीको नेतृत्वमा डा.किसन कुशवाह, डा.किरण महर्जन, डा.प्रभाकर शाहको टोलीले स्थानीयहरुको स्वास्थ्य परीक्षण गरेका थिए । स्वास्थ्य शिविरमा उपचार, परामर्शसँगै निःशुल्क औषधी समेत वितरण गरिएको थियो ।
स्वास्थ्य शिविरको संयोजन विद्यालय व्यवस्थापन समितिका अध्यक्ष तुयुकाजी ताम्राकारले गरेका थिए । उनले आमविद्यार्थीहरुमा सहयोगको भावना विकास गराउन शिविर आयोजना गरेको सुनाए । अरुणोदय एजुकेशनल फाउण्डेशनका अध्यक्ष एंव प्याब्सनका केन्द्रीय सचिव भिमसेन केसीले सबैलाई स्वागत गरेका थिए ।
