२०८१, ३२ असार सोमबार

बनेपाको कृषि मेलामा एक करोडको कारोवार

बनेपाको कृषि मेलामा एक करोडको कारोवार


बनेपा/काभ्रे जिल्लाको मूख्य ब्यापारिक केन्द्र बनेपामा कृषि ब्यवसाय प्रवद्र्धन ब्यापार मेला सम्पन्न भएको छ । ४ दिनसम्म चलेको कृषि मेलामा तरकारीजन्य, दुधजन्य, मासुजन्य, प्राङ्गारिक, जैविक विषादी, जैविक मल, कृषि सम्वन्धी नयाँ प्रविधिको प्रदर्शन गरिएको थियो ।
काभ्रे कृषि बजार मल्टिपर्पोज प्रालि, सम्बृद्ध काभ्रे कृषि सहकारी संस्था र प्रधानमन्त्री कृषि आधुनिकीकरण परियोजनाले आयोजना गरेको मेला शनिबार सुरु भएर मंगलबार सकिएको मेलामा एक करोडभन्दा बढीको आर्थिक कारोवार भएको आयोजकले दाबी गरेका छन् । मेला अवधिभर १० हजार बढीले अवलोकन गरेको काभ्रे कृषि बजार मिल्टपर्पोज प्रालिका अध्यक्ष पूर्णचन्द्र सिग्देलले बताए ।

समापन समारोहलाई सम्बोधन गर्दै सूचना, संचार तथा प्रविधि राज्यमन्त्री गोकूल बास्कोटाले सरकारले कृषि क्षेत्रमा देशलाई आत्मनिर्भर बनाउन लागेको बताउँदै टुक्रे खेति नभई अब चक्लाबन्दी खेति गर्न आग्रह गरे । सम्वृद्ध नेपाल, सुखी नेपाली को नाराका साथ सरकार अघि बढेको भन्दै मन्त्री बास्कोटाले अब जनताले प्रत्यक्ष लाभ पाउने गरि काम गर्ने बताए । राष्ट्रिय किसान आयोगका अध्यक्ष चित्र बहादुर श्रेष्ठले अब स्थानीय सरकार हुँदै स्थायी सरकार बनिसकेकाले कृषि क्षेत्रले फड्को मार्ने विश्वास व्यक्त गरे ।

कार्यक्रममा काभ्रे जिल्लाका प्रदेश सांसदहरु बसुन्धरा हुमागाईं र लक्ष्मण लम्सालले आफुहरु पनि कृषककै छोरा भएकाले कृषि क्षेत्र र कृषकहरुको उन्नतीका लागि नीतिगत रुपमा आफुहरु लागि पर्ने बताएका थिए । मेलामा कृषि उपज, कृषि सामग्री, पशुजन्य वस्तुहरुको प्रदर्शनीसँगै किसानहरुबीच प्रतिस्पर्धा, उत्कृष्ट कृषकहरुलाई पुरस्कार, नर्सरी, मह लगायतको व्यवस्था समेत गरिएको थियो भने ५० भन्दा बढी स्टलहरु रहकोमा किसानहरुका लागि निःशुल्क स्टलहरुको व्यवस्था गरिएको थियो । मेलालाई प्रधानमन्त्री कृषि आधुनिकीकरण परियोजना सुपरजोन कार्यान्वयन ईकाई (आलु), लभ ग्रिन नेपाल, सिप्रेड, ग्रामिण उत्थान बहुमुखी सेवा समिति, ग्रामिण आदर्श सेवा केन्द्र लगायतका संस्थाहरुले पनि सहयोग गरेको आयोजकले बताएका छन् ।

प्रकाशित मिति : २०७५, १८ बैशाख मंगलबार  ७ : ०२ बजे

एडिविको आर्थिक सहयोगमा निर्माणाधिन सिन्धुलीको विद्यालय भवन अलपत्र, शिक्षा मन्त्रालय बन्यो रमिते !

एशियाली विकास बैंक एडिविकोे आर्थिक सहयोगमा निर्माणाधिन सिन्धुलीको गौमती माध्यमिक

रामेछापबाट काठमाडौं आउँदै गरेको बस लिखुमा सडकबाट खस्यो

रामेछाप । रामेछापबाट काठमाडौं आउँदै गरेको बस आज बिहान रामेछापको

खनिजजन्य पदार्थ उत्खननबारे स्पष्ट कानूनी व्यवस्था गर्न निर्देशन

काठमाडौं । प्रतिनिधिसभा अन्तर्गतको उद्योग तथा वाणिज्य र श्रम तथा

जसपाबाट जनताको परिकल्पना पुरा नहुने निश्चीत देखिएपछि सो पार्टी परित्याग गरेंः आरमान खॉ

बिरगञ्जः कालिकामाई गाउपालिको जनता समाजवादी पार्टी नेपालका नेता आरमान खांले

युवा लक्षित कार्यक्रम पेश गर्न नगरउपप्रमुखसँग माग

सिन्धुली: कमलामाईका ६ वटै वडाका युवाहरुले नागरिक अंकपत्र कार्यान्वयनको क्रममा