२०८०, १५ चैत्र बिहीबार

गल्ती स्वीकार गर्दै जनप्रतिनिधिसँग माफी मागे हार्डवेयर सञ्चालकले

गल्ती स्वीकार गर्दै जनप्रतिनिधिसँग माफी मागे हार्डवेयर सञ्चालकले


बनेपा । गत आइतबार बनेपा नगरपालिका वडा नं. ६ को बुडोल डाँडामा रहेको खानीखोला इन्टरप्राइजेज र स्थानीय नगरबासी बीचको विवादलाई समझदारीमा मिलाइएको छ । झडपमा नै उत्रिएका व्यवसायी सुधिर श्रेष्ठले नगरको सबै नियमको पालना गरी अभियानलाई साथ दिने प्रतिवद्धता जनाएपछि विवादलाई मिलापत्रमा टुंग्याइएको हो ।

उक्त इन्टप्राइजेजले आफ्नो हार्डवेयरका सामानबाट नगरले निर्देशित गरेको नियम विपरित फुटपाथलाई कब्जा जमाउँदै व्यवसाय सञ्चालन गरेकाले स्थानीय तहका निर्वाचित जनप्रतिनिधिसँग विवाद बढेको थियो । नगरको अनुरोधलाई समेत सञ्चालक श्रेष्ठले अटेर गरेपछि नगरको अगुवाईमा सञ्चालित अभियानमा सहभागी स्थानीयबासी र सञ्चालक सुधिर श्रेष्ठका बीचमा मुक्कामुक्की नै चलेको थियो । खानीखोला इन्टरप्राइजेजका सञ्चालक श्रेष्ठले बनेपा नगरका जनप्रतिनिधिमाथि समेत दुव्र्यवहार गर्दैै खनिएपछि स्थानीय र श्रेष्ठबीच दोहोरो झडप हुँदा घाइते भएका एक स्थानीयलाई अस्पताल भर्ना गरिएको थियो ।

झडपपछि श्रेष्ठलाई प्रहरीले नियन्त्रणमा लिई सार्वजनिक मुद्दा दायर ग¥यो । तीन दिनसम्म श्रेष्ठलाई प्रहरी हिरासतमा राखियो । त्यसपछि श्रेष्ठले आफ्नो कमजोरीलाई स्वीकार गरे । निर्वाचित प्रतिनिधिहरुसँग माफी माग्दै नगरको नियमको पालना गर्न आफू प्रतिवद्ध रहेको व्यहोरामा सञ्चालक श्रेष्ठले हस्ताक्षर गरेपछि मिलापत्र गरिएको बनेपा नगर श्रोतले बताएको छ । उनले आफूबाट बनाइएको पक्की भवनको नक्शा पास, व्यवसायलाई नगरपालिकाको करको दायरामा ल्याउने र नगरको सबै अभियानमा आफू पनि सहभागी हुने प्रतिवद्धता जनाएका छन् । इलाका प्रहरी कार्यालय बनेपाका प्रमुख, स्थानीय अगुवा र नगरपालिकाका प्रमुख लक्ष्मीनरसिं बादेको रोहवरमा मिलापत्र भएको थियो । श्रेष्ठद्वारा हातपात गरी घाइते बनाइएका एक स्थानीयको उपचार खर्च समेत उनै श्रेष्ठद्वारा व्यहोेरिने सहमति पत्रमा उल्लेख गरिएको छ ।

प्रकाशित मिति : २०७४, २७ चैत्र मंगलबार  १० : ०५ बजे

बागमती र कोशी प्रदेशमा विहानैदेखि मेघगर्जन र चट्याङ्गसहित हल्का वर्षा

काठमाडौं । हाल नेपालमा पश्चिमी वायु तथा स्थानीय वायुको प्रभाव

अपाङ्गता भएकाहरुको माग संवोधनका लागि कार्यदल गठन गर्न मन्त्री चौधरीको निर्देशन

काठमाडौं । अपाङ्गता भएका व्यक्तिहरुको हक अधिकारका लागि आवश्यक नीति,

राज्य व्यवस्था तथा सुशासन समितिले गृहमन्त्री लामिछानेलाई बोलायो

काठमाडौँ । प्रतिनिधि सभाको राज्य व्यवस्था तथा सुशासन समितिले बुधबारको

एमाले पार्टी कार्यालयमा होलीको रौनक, यसरी मनाए नेताहरुले होली (तस्बिर)

काठमाडौं । नेकपा एमालेका अध्यक्ष केपी शर्मा ओलीसहितका शीर्ष नेताहरुले

आज पनि पाँच प्रदेशमा पानी पर्ने, केहि स्थानमा हल्का हिमपातको सम्भावना

काठमाडौं । हाल नेपालमा पश्चिमी न्यून चापीय प्रणाली र स्थानीय