२०८१, ३२ असार सोमबार

धुलिखेलसम्मका यात्रुको बस भाडा खै त घटेको ?

धुलिखेलसम्मका यात्रुको बस भाडा खै त घटेको ?


मयूर यातायात प्रालिले साबिकको भन्दा कम भाडा दरमा बनेपा–कोठेश्वरसम्म बस सञ्चालन गरेपछि काभ्रेका बस ब्यवसायीहरु आन्दोलित भए । काभ्रे बस ब्यवसायी समिति र काभ्रे मिनी बस सेवा समितिले चैत २१ गते आफ्ना सबै सवारी साधान बन्द गरे ।  त्यहि दिन सरकारले रुट परमिट खुल्ला गर्यो र मयूरसँग थपिए अन्य ४ वटा बस कम्पनी । मयूरले सेवा सुरु गर्दा नै बनेपा काठेश्वरसम्म काभ्रेका बस ब्यवसायीहरुको भन्दा १० रुपैयाँ कम भाडा तोकेको थियो । एकैदिन पाँच नयाँ कम्पनीलाई धुलिखेलसम्मको रुट परमिट सरकारले दिएपछि काभ्रेका बस ब्यवसायीहरुले पनि मयूरकै भाडा दरमा २२ गतेदेखि बस सञ्चालन गरिरहेका छन् ।

अहिले काभ्रेका बस ब्यवसायीहरुले बनेपा देखि पुरानो बसपार्कसम्मको भाडा ४० तोकिएका छन् । यसअघि ४५ रुपैयाँ थियो । त्यस्तै बनेपा देखि काटेश्वरसम्म ३५ तोकेका छन् । पहिले ४५ रुपैयाँ थियो । त्यस्तै बनेपा देखि सुर्यविनायकसम्म २० रुपियाँ नयाँ भाडा तोकेका छन् । पहिला २५ रुपियाँ थियो । तर धुलिखेलसम्मको भाडा न मयूरले घटाएको न त काभ्रेका ब्यवसायीले नै ।

अब यो नक्सामा हेर्नोस् ।

कोटेश्वर देखि रत्नपार्कसम्मको दुरी ।

यो गुगलबाट लिएको नक्सा अनुसार कोटेश्वरबाट पुरानो बसपार्क पुग्न ५.९ किलोमिटर दुरी छ । अहिलेको भाडा दर अनुसार कोठेश्वरबाट ५ रुपियाँ तिरेपछि पुरानो बसपार्क पुगिन्छ ।

अब अर्को नक्सामा हेरौँ

बनेपा देखि धुलिखेलसम्मकाे दुरी

यो पनि गुगलबाटै लिइएको नक्सा हो । यसमा धुलिखेल देखि बनेपासम्मको दुरी ४.५ किलोमिटर दुरी मापन गरिएको छ । तर भाडा भने १० रुपैयाँ लिइरहेका छन् । बसका सहचालकहरुले धुलिखेलबाट काठमाण्डौसम्म चडेबापत ५० रुपैयाँ भाडा अहिले पनि लिइरहेका छन् ।

काठमाण्डाै रत्न पार्क देखि धुलिखेलसम्मकाे दुरी

प्रश्न यहाँ निर छ कि कोठेश्वरबाट पुरानो बसपार्कसम्मको ५.९ किलोमिटर चाँहि ५ रुपियाँमा पुर्याउने । धुलिखेल देखि बनेपासम्मको ४.५ किलोमिटर दुरीमा किन साविककै भाडा ?  काभ्रे बस ब्यवसायी संघका अध्यक्ष दिल बहादुर शाहिले धुलिखेल देखि काठमाण्डाैसम्मकाे भाडा ५० रूपैयाँ नै रहेकाे बताए । “मयूरले भाडा घटायो भनेर हामीले भाडा घटाएका होइनौँ, उनले भने “सित्तैमा यात्रु बोक्न सकिदैन” । यसले पनि के पुष्टि गर्छ भने काभ्रे बस ब्यवसायी समिति र काभ्रे मिनी बस सेवा समितिले यसअघि मनपरी भाडा असुल्दै आइरहेका थिए । जब मयूरका बसले तोकेकै भाडामा अहिले बस चलाउन रहेछ भने किन यात्रुलाई बढी भाडा लिइयो ? यो प्रश्नमा अध्यक्ष शाहिले कुनै उत्तर दिन चाहेनन् ।

प्रकाशित मिति : २०७४, २४ चैत्र शनिबार  २ : ५६ बजे

एडिविको आर्थिक सहयोगमा निर्माणाधिन सिन्धुलीको विद्यालय भवन अलपत्र, शिक्षा मन्त्रालय बन्यो रमिते !

एशियाली विकास बैंक एडिविकोे आर्थिक सहयोगमा निर्माणाधिन सिन्धुलीको गौमती माध्यमिक

रामेछापबाट काठमाडौं आउँदै गरेको बस लिखुमा सडकबाट खस्यो

रामेछाप । रामेछापबाट काठमाडौं आउँदै गरेको बस आज बिहान रामेछापको

खनिजजन्य पदार्थ उत्खननबारे स्पष्ट कानूनी व्यवस्था गर्न निर्देशन

काठमाडौं । प्रतिनिधिसभा अन्तर्गतको उद्योग तथा वाणिज्य र श्रम तथा

जसपाबाट जनताको परिकल्पना पुरा नहुने निश्चीत देखिएपछि सो पार्टी परित्याग गरेंः आरमान खॉ

बिरगञ्जः कालिकामाई गाउपालिको जनता समाजवादी पार्टी नेपालका नेता आरमान खांले

युवा लक्षित कार्यक्रम पेश गर्न नगरउपप्रमुखसँग माग

सिन्धुली: कमलामाईका ६ वटै वडाका युवाहरुले नागरिक अंकपत्र कार्यान्वयनको क्रममा