२०८१, ३ श्रावण बिहीबार

बेथानचोकमा पुग्यो भूकम्पप्रभावितको समस्या सुल्झाउन प्राधिकरणको टोली

बेथानचोकमा पुग्यो भूकम्पप्रभावितको समस्या सुल्झाउन प्राधिकरणको टोली


भूकम्पप्रभावितको गुनासो सुन्न जिल्ला स्थित पुनःनिर्माण प्राधिकरणको टोली गाउँमै पुगेको छ । काभ्रेको जिल्लाको बेथानचोक गाउँपालिका वडा नम्बर २ र ३ को ८५ जना भूकम्पप्रभावितले दोस्रो किस्ता रकमका लागि भरेको फारम स्थानीय तहले बेपत्ता बनाएको भन्दै आन्दोलन सुरु गरेपछि पुनःनिर्माण प्राधिकरणको जिल्ला सचिवालय प्रमूख ध्रुब गैडाको नेतृत्वमा टोली गएको हो ।

पुस मसान्तभित्रै भरेको फारमको रकम नआएपछि गाउँपालिकाको वडा नम्बर २ र ३ ढुंखर्कका भूकम्पप्रभावितले जिल्ला स्थित पुननिर्माण प्राधिकरणको सचिवालय, भवन डिभिजन कार्यालयमा आएर बुझ्दा फारम नै नभेटिएपछि उनीहरुले बेपत्ता पारेको भन्दै आन्दोलन गरेका थिए । बिहीबार पुगेको प्राधिकरणले गाउँपालिकाका प्रमूख, वडाध्यक्ष, र इन्जिनियरसँग छलफल गरेका छन् । “डिपिसी नगरेकाहरुको फारम च्यातिएको नभई रद्द गरिएको रहेछ, प्रमूख गैडाले भने “केही कमीकमजोरी र त्रृटीलाई सबैपक्षसँग छलफल गरेर समस्याको समाधान गर्न स्थानीय तहलाई नै निर्देशन दिएका छौँ ।”

तर स्थानीय भूकम्पप्रभावित भने त्यो कुरा मान्न तयार छैनन् । “डिपीसी तह सकेर पुस २४ गते फारम भरेको थिएँ, इन्जिनियरले भरेको फारम देखाउँदै स्थानीय सोमनाथ तिमल्सिनाले भने “सँगैको साथीको पैसा आयो मेरो चाँहि आएन, के भएछ भनेर बुझ्दा फारमनै जिल्लामा बुझाएका रहेछन् ।” इन्जिनियरको अभावमा लामो समयदेखि दोस्रो किस्ताको फारम उक्त दुई वडामा भरिएको थिएन् । तर छिमेकी वडा च्यासिङखर्कका इन्जिनियर ध्रुब सेढाईलाई बोलाएर फारम भर्न लगाइयो । समय गुज्रिसकेकाले उनले पनि फिल्ड नगई धमाधम फारम भरे । “फिल्ड जाने समय नै थिएन, उनले भने “फोटोको आधारमा जनप्रतिनिधि राखेर फारम भरियो, पछि डिपीसी नगरेको ब्यक्तिको पनि फर्ममा नाम परेछ ।”

प्रकाशित मिति : २०७४, १५ चैत्र बिहीबार  ६ : ४० बजे

महान्यायाधिवक्तामा रमेश बडाल नियुक्त

काठमाडौं । वरिष्ठ अधिवक्ता रमेश बडाल महान्यायाधिवक्तामा नियुक्त भएका छन्

ओली सरकारको पहिलो निर्णय : तीन सय दिनमा सुविधासम्पन्न कीर्तिपुर क्रिकेट मैदान

काठमाडौं । प्रधानमन्त्री केपी शर्मा ओली नेतृत्वको सरकारले त्रिभुवन विश्वविद्यालय

परराष्ट्रमन्त्री आरजुको पहिलो निर्णय : राष्ट्रिय दिवसमा मित्र राष्ट्रलाई सन्देश पठाउने

काठमाडौं । परराष्ट्रमन्त्री डा आरजु राणा देउवाले पदभार ग्रहण गरेकी

१३औं पटक मन्त्री बनेका भण्डारीले श्रम, रोजगार तथा सामाजिक सुरक्षामन्त्रीको पदभार ग्रहण

काठमाडौं । नव नियुक्त श्रम, रोजगार तथा सामाजिक सुरक्षामन्त्री शरतसिंह

प्रधानमन्त्री ओलीद्वारा पदभार ग्रहण

काठमाडौं । नव नियुक्त प्रधानमन्त्री केपी शर्मा ओलीले पदभार ग्रहण