मयुर यातायातलाई रोक्न बस देखि टिपर ब्यवसायीसम्म लागेपछि…………………..
यात्रुहरुले मयुर यातायात प्रा.लिका बस अत्याधिक मन पराउन थालेपछि काभ्रेका पुराना ब्यवसायीहरु थप संकटमा परेका छन् । चक्रपथ देखि काभ्रेको बनेपालसम्म सिधा रुटपरमिट लिएर सञ्चालनमा आएको मयुर बसले अहिले फ्रि वाईफाई सहित आमाबच्चा सिटसम्मको सुविधा दिइरहेको छ । तर उक्त सुविधा युक्त बसको रुट परमिट नै खारेज गर्नभन्दै काभ्रे बस ब्यवसायी संघ र काभ्रे मिनी बस सेवा समितिले अरु समितिसँग पनि गुहार मागका छन् ।
नयाँ बससँग आफुहरु प्रतिस्पर्धा गर्न नसक्ने भन्दै काभ्रेका बस ब्यवसायीहरुले राजधानी पूर्व सिन्डिकेट लादिरहेका विभिन्न यातायात ब्यवसायीसँग हार गुहार गरेर दुई जिल्लाको प्रशासन कार्यालयमा ज्ञापन पत्र बुझाएका छन् । राजधानी पूर्व अरनिको यातायात सेवा समितिले ४० वर्षभन्दा बढी समयले देखि सिण्डिकेट लागु गर्दै आइरहेको छ । उसले एउटै समितिका बस पनि विभिन्न नाम राखेर चलाइरहेको छ ।
बस ब्यवसायीहरु जिल्ला प्रशासन कार्यालय काभ्रे र भक्तपुर जिल्ला प्रशासन कार्यालयमा ज्ञापनपत्र बुझाएका हुन् । ज्ञापनपत्र बुझाउन राजधानीपूर्व यातायात सञ्चालन गर्दै आइरहेको बस ब्यवसायी संघ देखि टिपर ब्यवसायी संघसमेत पुगेका छन् । विभिन्न १३ वटा यातायात ब्यवसायीहरुले मयुर यातायात प्रा.लिको काठेश्वर बनेपाल रुप परमिट खारेजिको मागसहित चरण बन्द आन्दोलन समेत घोषणा गरेका छन् ।
उनीहरुले चैत १८ गतेदेखि आन्दोलन गर्ने चेतावनी सहितको ज्ञापन पत्र प्रशासन कार्यालयमा बुझाएका हुन् । प्रधानमन्त्री केपी शार्मा ओलीले सिण्डिकेट कुनै पनि हालतमा तोडिने बताइसकेका छन् ।
यस्तो छ आन्दोलनको कार्यक्रम
