Logo

काभ्रेका गाउँपालिकाहरुको पहिलो प्राथमिकतामा सडक निर्माण,ट्रयाक खोल्नका लागि करोडौँ लगानी



काभ्रे । निर्वाचन सकिएको एक वर्ष पुग्नै लाग्दा जिल्लाका सबै स्थानीय तहहरुले सडक विस्तार र मर्मतलाई पहिलो प्राथमिकता दिएका छन् । ६ नगरपालिका र ७ गाउँपालिका रहेको काभ्रे जिल्लाका गाउँपालिकाहरुले प्रतिस्पर्धात्मक रुपमै चालु आर्थिक वर्षमा सडक योजनामा बजेट विनियोजन गरेका थिए ।

अहिले धमाधम ती बजेटमा आधारित योजनाहरु अगाडि बढिरहेका छन् । आगामी आर्थिक वर्षको बजेट निर्माणको काम समेत अब शुरु गर्ने बेला भइसकेको छ । त्यसमा वडास्तरबाट सडककै माग धेरै आउने सम्भावना देखिन्छ । सदरमुकामसँग सिधा सडक सञ्जालमा नजोडिएको जिल्लाको अति विकट डाँडापारी क्षेत्रमा पर्ने महाभारत र खानीखोला गाउँपालिकाले पनि सडकको ट्रयाक खोल्ने काम गरिरहेका छन् । यो वर्ष करिब ४ करोड रुपैयाँ सडककै लागि विजियोजन गरेको महाभारत गाउँपालिकामा धमाधम सडक विस्तारको काम भइरहेको छ । गाउँपालिकाले छुट्याएका ७ मूख्य सडक मध्ये ६ वटा सडकको काम भइरहेको गाउँपालिकाका अध्यक्ष कान्छालाल जिम्बाले जानकारी दिए । “अहिले गाउँपालिका भित्रका विभिन्न सडक योजनामा १० वटा स्काभेटर चलिरहेका छन्, उनले भने “सडक नहँुदा डाँडापारिका स्थानीयले निकै समस्या झेल्नु परिरहेको छ ।”

चालु आर्थिक वर्षका लागि सडक योजनामा ६ करोड रुपैयाँ विनियोजन गरेको खानीखोला गाउँपालिकाको ७ वटा वडा मध्ये ६ वटा वडा कार्यालयसम्म पुग्ने सडक निर्माण गरिसकेको छ । वडा नम्बर ६ को कार्यालय पुग्ने सडकको काम पनि भइरहेको गाउँपालिकाका अध्यक्ष कृष्णबहादुर खुलाले जानकारी दिएका छन् । “तालढुंगामा रहेको गाउँपालिकाको कार्यालयबाट अहिले ६ वटा वडा कार्यालयसम्म गाडीबाटै आवातजावात गर्न सक्ने भइसकेका छौं, उनले भने “अब बाँकी रहेको एकवटा वडा कार्यालयमा पनि छिट्टै गाडी पुग्नेछ ।” सदमुकामसँग सिधा सडक सञ्जाल नजोडिदां महाभारतको गाउँपाकिाको सीमामा पर्ने सिन्धुली भएर र खानीखोलाका स्थानीय ललितपुर जिल्ला भएर धुलिखेलसम्म आउनुपर्ने अवस्था विद्यमान छ ।

त्यस्तै जिल्लाको दुर्गम कोशीपारी क्षेत्रमा पर्ने दुई गाउँपालिकाले पनि सडक निर्माणलाई उच्च प्राथमिकता दिएका छन् । चौरीदेउराली गाउँपाकिलाले ९ वटा सडकलाई १ करोड ५० लाख रुपैयाँ विनियोजन गरेको थियो । अहिले सडक विस्तार र पानी निकासका लागि भित्तामा कुलो काट्ने काम भइरहेको गाउँपालिकाका प्रमुख दिनानाथ गौतमले बताए । त्यस्तै भूम्लु गाउँपालिकाले २ करोड ६१ लाख २६ हजार रुपैयाँ सडक निर्माणका लागि विनियोजन गरेको थियो । गाउँपालिका हुदैँ छिमेकी जिल्लामा पुग्ने मूख्य सडक भने सडकडिभिजन कार्यालयसँग मिलेर फराकिलो बनाउने काम गरिएको उपाध्यक्ष कल्पना श्रेष्ठले जानकारी दिइन् ।

सडक नहुँदा अधिकांश गाउँपालिकाका स्थानीयले उत्पादन गरेका तरकारी, दुध लगायतका कृषि र पशुजन्य उत्पादनका सामानहरु बजारसम्म ल्याउन समस्या झेलिरहेका छन् । रोशी गाउँपाकिलाले साढे ७ करोड रुपैयाँ सडक निर्माणका लागि मात्रै विनियोजन गरेको उपाध्यक्ष लक्ष्मीकुमारी उप्रेती बर्तौलाले बताइन् । त्यस्तै २७ करोड ८८ लाख रुपैयाँ कुल बजेट रहेको तेमाल गाउँपालिकाले सडक निर्माणका लागि ४५ प्रतिशत बजेट विनियोजन गरेको देखिएको छ । गाउँपालिकाभित्र रहेको ९ वटा वडा कार्यालयसम्म बाह्रै महिना यातायात चल्ने गरी सडक निर्माणको काम भइरहेको उपाध्यक्ष दुर्गामाया तामाङले जानकारी दिइन् ।

बेथानचोक गाउँपालिकाले कुल ६ करोड बजेटको ७० प्रतिशत सडक निर्माणका लागि चालु आर्थिक वर्षमा विनियोजन गरेको थियो । ५ वटा सडक आयोजनालाई मूख्य प्राथमिकतामा राखेर निर्माणको काम भइरहेको गाउँपालिका अध्यक्ष प्रेमप्रसाद तिमिल्सिनाले बताए । “अहिलेलाई ट्रयाक खोल्ने काम भइरहेको छ, उनले भने “यी सडकलाई बाह्रै महिना सञ्चालन हुने गरी काम अगाडि बढाउने छौँ ।” अध्यक्ष प्रेमप्रसाद तिमल्सिनाले बताए ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार