२०८१, ३ श्रावण बिहीबार

भीर छिचोल्दै डाँडापारि मिल्चेको धाप्लेमा पुग्यो मोटर बाटो, स्थानीयमा खुशीयाली, सडक खन्ने अपरेटरलाई पैसै, पैसाको माला

भीर छिचोल्दै डाँडापारि मिल्चेको धाप्लेमा पुग्यो मोटर बाटो, स्थानीयमा खुशीयाली, सडक खन्ने अपरेटरलाई पैसै, पैसाको माला


डाँडापारि, काभ्रे । ठूल ठूला भीर अनि पहरा । हेर्दै कहाली लाग्दो । गोरेटो बाटो हिड्दा पनि आतेस लाग्थ्यो, गाउँका ८८ बर्षीय बीर बहादुर घलानलाई । “गाउँमा यस्तो भिर छिलोलेर सडक आइपुग्ला भन्ने त सोचेकै थिइनँ घलानले खुशी हुदैँ भने “अहिले आफ्नै गाउँमा सडक पुग्यो, गाडी पनि गुड्न थाल्यो ।” काभ्रे जिल्लाको अति विकट डाँडापारि क्षेत्रमा पर्ने मिल्चेको धाप्लेमा मोटर पुग्दा उनी सहित गाउँका धेरैले खुशी साटासाट गरे । नाचे, रमाए अनि अविर जात्रा निकाले । अनि गाउँमा पहिलो पटक पुगेको गाडी समेत चडे ।

गाउँमा सडक पुग्दा ८७ बर्षीय डिलबहादुर तिमल्सिना पनि निकै खुशी देखिएका छन् । “गाउँमा सडकको मुखै नदेखि मरिन्छ कि भन्ने लागेको थियो’’, तिमल्सिनाले भने “सबैको मेहेनतले गाउँमा गाडी आइपुगेको छ, निकै खुशी छु ।” स्थानीयले एक आपसमा खुशी मात्रै साटासाट गरेनन्, उनीहरुले गाउँमा सडक पु¥याउने काममा खटिएका ग्रामीण सडक निर्माण गर्ने औजार ‘स्काभेटर’ चालकलाई पैसै–पैसाको माला पनि लगाइदिए ।

गाउँमा तीन महिनादेखि सडक खन्ने काममा खटिएका स्काभेटर चालक सिन्धुलीका सुशिल महत र हेल्पर शम्भु गुर्माछान मगरलाई स्थानीयहरुले झण्डै ४० हजार बराबर पैसाको माला लगाइदिएका हुन् । “सडक खन्न त निकै गाह्रो थियो, ठूला चटान र पहाड पनि उत्तिकै, तर गाउँमा गाडी पुग्यो, स्थानीय दाजुभाइ–दिदीबहिनीले खुशी हुदँै ४० हजार रुपियाँ बराबर पैसाको माला लगाइदिनुभयो, चालक महतले भने “स्थानीयहरु यति धेरै खुशी हुनुहुन्छ होला भन्ने मैले सोचेकै थिइनँ ।” गाउँमा सडक पु¥याउने चालकलाई सम्मान गर्न पाउँदा आपूmलाई निकै खुशी लागेको स्थानीय ७१ बर्षीय चन्द्र बहादुर रिजालले बताए ।

२०६३ सालबाट निर्माण शुरु भएको च्याम्राङबेसी–सुकुम–मिल्चे–धाप्ले–नवलपुर–खोरभञ्ज्याङ हुदैँ तालढुंगा जोड्ने सडक निर्माणका लागि तत्कालिन गाविस, जिल्ला विकास समिति, सांसद विकास कोष र सडक डिभिजन कार्यालय भक्तपुरको गरी जम्मा ६२ लाख रुपैयाँमा ५ किलोमिटर सडक निर्माण भएको थियो । त्यस्तै बाँकी रहेको ७ किलोमिटर सडक निर्माणका लागि गाउँपालिकाले ४० लाख आर्थिक सहयोग गरेको सडक उपभोक्ता समितिका अध्यक्ष दलसुर मोक्तानले जानकारी दिए । गाउँमा सडक पुगेपछि हिउँदको बेला आवात–जावात गर्न सजिलो भएको भन्दै उपभोक्ता समितिका कोषाध्यक्ष शान्त माया रिजालले अब यसलाई बर्षातको बेलामा समेत सञ्चालनमा ल्याउने गरी काम गर्नुपर्ने बताइन् ।
मोटर बाटोलाई दुर्गम डाँडापारिको वस्तीमा पु¥याउन सास्ती पनि उत्तिकै व्यहोरेको उपभोक्ता समितिका अध्यक्ष दलसुर मोक्तानको अनुभव छ । दुःख व्यक्त गर्दै नमीठो अनुभव खबरघर डट कमसँग आफूले भोगेको सास्तीलाई मोक्तानले यसरी व्यक्त गरे– ‘वडाबासीलाई यातायातमा सुविधा पु¥याउनलाई सडकको ट्रयाक खोल्न अधिकतम प्रयास गर्दा वडाका जनप्रतिनिधिहरुले नै निर्माण औजारलाई फकाईदिएर असाहयोग पनि गरेका थिए ।’ तर पनि सडक निर्माणका लागि भने सर्वसाधारणले धेरै सहयोग पु¥याएपछि आफूलाई ट्रयाक खोल्न हौसला मिलेको उनी बताउँछन् ।

प्रकाशित मिति : २०७४, ९ फाल्गुन बुधबार  ६ : ४८ बजे

महान्यायाधिवक्तामा रमेश बडाल नियुक्त

काठमाडौं । वरिष्ठ अधिवक्ता रमेश बडाल महान्यायाधिवक्तामा नियुक्त भएका छन्

ओली सरकारको पहिलो निर्णय : तीन सय दिनमा सुविधासम्पन्न कीर्तिपुर क्रिकेट मैदान

काठमाडौं । प्रधानमन्त्री केपी शर्मा ओली नेतृत्वको सरकारले त्रिभुवन विश्वविद्यालय

परराष्ट्रमन्त्री आरजुको पहिलो निर्णय : राष्ट्रिय दिवसमा मित्र राष्ट्रलाई सन्देश पठाउने

काठमाडौं । परराष्ट्रमन्त्री डा आरजु राणा देउवाले पदभार ग्रहण गरेकी

१३औं पटक मन्त्री बनेका भण्डारीले श्रम, रोजगार तथा सामाजिक सुरक्षामन्त्रीको पदभार ग्रहण

काठमाडौं । नव नियुक्त श्रम, रोजगार तथा सामाजिक सुरक्षामन्त्री शरतसिंह

प्रधानमन्त्री ओलीद्वारा पदभार ग्रहण

काठमाडौं । नव नियुक्त प्रधानमन्त्री केपी शर्मा ओलीले पदभार ग्रहण