२०८१, १० बैशाख सोमबार

ओली र प्रचण्डबीच आज के भयो छलफल ?

ओली र प्रचण्डबीच आज के भयो छलफल ?


काठमाण्डौं /  बाम गठबन्धनले माघ २४ गते हुने राष्ट्रिय सभा निर्वाचनमा आफ्ना उम्मेदवारहरुलाई विजयी गराउन अरु राजनीतिक दलसँग पनि छलफल चलाउने भएको छ । एमाले संसदीय दलको कार्यालय सिंहदरबारमा सोमबार विहान नेकपा एमाले र नेकपा माओबादी केन्द्रका अध्यक्षबीच भएको छलफलमा हार्ने जोखिममा रहेका आफ्ना उम्मेदवारको विजय कसरी सुनिश्चित गर्ने विषयमा छलफल भएको हो ।

एमाले अध्यक्ष केपी ओली र माओबादी अध्यक्ष प्रचण्डसहित नेताहरु माधब नेपाल, रामबहादुर थापा बादल, सुभाष नेम्वाङ र नारायणकाजी श्रेष्ठबीच राष्ट्रिय सभाका उम्मेदवारहरुको प्राथमिकता सूचीका बारेमा छलफल भएको थियो । बैठकपछि सञ्चारकर्मीसँग कुरा गर्दै एमाले नेता नेम्वाङले राष्ट्रिय सभाका बाम गठबन्धनका उम्मेदवारको विजय सुनिश्चित गर्ने सन्दर्भमा अन्य राजनीतिक दलसँग पनि सहकार्य गर्न गृहकार्य गर्ने निर्णय भएको जानकारी दिनुभयो । प्रदेश ३ बाट राष्ट्रिय सभामा खुला तर्फ उम्मेदवार बनेका सबै उम्मेदवारलाई जिताउन अन्य साना दलसँग पनि सहकार्य गर्नु पर्ने भएकाले ती दलहरुसँग वार्ता सकारात्मक नभए एमाले उम्मेदवार बेदुराम भुसालको उम्मेदवारी फिर्ता लिन सक्ने विषयमा पनि छलफल भएको थियो ।

बैठकमा प्रदेशका मुख्यमन्त्री, सभामुख र उपसभामुखका सन्दर्भमा संयुक्त कार्यदलले हिजो दिएको सुझावका बारेमा भने छलफल भएन । पार्टी एकता संयोजन समितिको चाँडै बस्ने बैठकले त्यसबारेमा निर्णय गर्ने नेम्वाङले जानकारी दिनुभयो । कार्यदलले मुख्यमन्त्रीमा एमाले ४ र माओबादी २, सभामुखमा एमाले ४ र माओबादी २, उपसभामुखमा एमाले २ र माओबादी ४ स्थानमा सिट बाँडफाँड गरेको छ ।

एमालेले प्रदेश नम्बर १,३,४ र ५ तथा माओबादीले प्रदेश नम्बर ६ र ७ मा मुख्यमन्त्री पाउनेछन् । यसैगरी सभामुखमा एमालेले प्रदेश नम्बर १,३,६ र ७ तथा माओबादीले प्रदेश नम्बर ४ र ५ मा, उपसभामुखमा एमालेले प्रदेश नम्बर ४ र ५ तथा माओबादीले प्रदेश नम्बर १,३,६ र ७ मा उम्मेदवार बनाउने कार्यदलको सुझाव छ । त्यस्तै, मुख्यमन्त्रीबाहेकका प्रदेश मन्त्री परिषद संख्याको बाँडफाँड गर्दा एमालेलाई ७० र माओबादीलाई ३० प्रतिशत कायम गर्ने सुझाव पनि कार्यदलले दिएको छ ।

प्रकाशित मिति : २०७४, १५ माघ सोमबार  ४ : ४६ बजे

जंगलको डढेलो गाउँमा, ७० भन्दा धेरै घरगोठ जले

रुपन्देही: लुम्बिनी प्रदेशका पहाडी जिल्ला अर्घाखाँची, गुल्मी, पाल्पा, प्यूठानका वन

विराटनगरको रानीमा झडप: डिएसपीसहित ७ प्रहरी घाइते

विराटनगर: मोरङ प्रशासनले अर्को सूचना जारी नहुञ्जेल भेला, र्‍याली, सभा

काभ्रेमा अज्ञात समूहले काटिदियो बुद्धचित्तको बोट, तीन करोडमा लागेको थियो ठेक्का

काभ्रे । काभ्रेको रोशी–५ नागबेलीमा रहेको ठकुरानी तामाङको घरमा रहेको

मिडिया काउन्सिल विधेयक पारित गर्ने तयारीमा सरकार

काठमाडौं । सूचना सञ्चार तथा प्रविधिमन्त्री रेखा शर्माले मिडिया काउन्सिल

को कतिबेर सुत्छन्, सबैभन्दा लामो निन्द्रा चिनियाँको !

काठमाडौं । कामको धपेडीले गर्दा राम्ररी निदाउन नपाएर लखतरान परिरहने