Logo

पार्टी एकता प्रक्रिया सुरु गर्ने प्रतिबद्धता



काठमाडौं । नेकपा एमाले र माओवादी केन्द्रका शीर्ष नेताहरुले पार्टी एकताको प्रक्रिया सुरु गर्ने प्रतिबद्धता व्यक्त गरेका छन् । काठमाडौं क्षेत्र नम्बर ५ बाट निर्वाचित भएका नेकपा एमालेका महासचिव ईश्वर पोखरेलले शनिबार आयोजना गरेको चियापान कार्यक्रममा नेताहरुले वाम गठबन्धन जनताद्वारा अनुमोदित भइसकेकाले एकतालाई अन्तिम रुप दिने प्रतिबद्धता व्यक्त गरेका हुन् । कार्यक्रममा नेकपा माओवादी केन्द्रका अध्यक्ष पुष्पकमल दाहाल प्रचण्डले जनताले वाम गठबन्धनलाई अनुमोदन गरिसकेकाले एमाले र माओवादीसामू पार्टी एकतालाई अन्तिम रुप दिएर अघि बढ्नुको विकल्प नरहेको समेत बताए ।

निर्वाचनबाट एमाले पहिलो र माओवादी दोस्रो पार्टीका रुपमा उदाएको बताउँदै प्रचण्डले दुई दलको ‘फ्युजन’ले अहिलेको परिणाम आएको दाबीसमेत गरे । वाम गठबन्धनको जितले मुलुक स्थायित्व र समृद्धिको नयाँयुगतिर प्रवेश गर्न लागेको दावी गर्दै प्रचण्डले झन्डै दुई तिहाइजितले ऐतिहासिक मौका दिएको र यसलाई सही रुपमा प्रयोग गर्ने प्रतिबद्धता समेत व्यक्त गरे ।

यसैगरी कार्यक्रममा नेकपा एमालेका वरिष्ठ नेता माधवकुमार नेपालले पनि माओवादी केन्द्र र एमालेबीचको पार्टी एकतामा विलम्ब गर्नु नहुने बताएका छन् । कम्युनिस्ट आन्दोलन र वामपन्थी शक्तिलाई निर्णायक रूपमा उभ्याउनका लागि तत्काल पार्टी एकता आवश्यक रहेको नेता नेपालको भनाइ थियो ।

त्यसैगरी एमालेका अर्का वरिष्ठ नेता झलनाथ खनालले संक्रमणकाल अन्तय गरी मुलुक नयाँ युगमा प्रवेश गरेकाले चुनावी प्रतिबद्धता पूरा गर्न ढिलाइ गर्न नहुने बताए । एमाले महासचिव ईश्वर पोखरेलले चुनावअघि प्राविधिक रुपमा पार्टी एकता गर्न नसकिएको उल्लेख गर्दै अब त्यसबाट कोही पछि हट्न नमिल्ने बताए । चियापानमा एमाले र माओवादी केन्द्रका शीर्ष नेताहरु सहभागी थिए ।

प्रतिक्रिया दिनुहोस्
शिक्षा

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार