Logo

प्रतिनिधिसभा र प्रदेशसभा निर्वाचन काभ्रेको अन्तिम नतिजा आयो, काभ्रेलाई वामपन्थीले बनाए लालकिल्ला



धुलिखेल, काभ्रे । संघीय लोकतान्त्रिक गणतन्त्र स्थापनापछिको पहिलो प्रतिनिधि सभा र प्रदेशसभाको निर्वाचनमा काभ्रेली वामहरुले लालकिल्ला बनाउन सफल भएका छन् । प्रतिनिधिसभाको २ र प्रदेशसभाको ४ निर्वाचन क्षेत्रमा विजय हासिल गर्दै वाम गठबन्धनले लालकिल्ला बनाएको हो ।

काभ्रेको चुनावी मत परिणामअनुसार क्षेत्र नम्बर १ को प्रतिनिधिसभा वाम गठबन्धनका उम्मेदवार गंगाबहादर दोङ ‘वमध्वज’ले प्रतिष्पर्धी नेपाली कांग्रेसका तीर्थ लामालाई ४ हजार २६ मत अन्तरले पछि पार्दै विजयी भएका छन् । वाम गठबन्धनको तर्फबाट नेकपा माओवादी केन्द्रका दोङले खसेको कुल सदर मतमा ४३ हजार ६ सय ३१ प्राप्त गरेका थिए । उनका प्रतिष्पर्धी नेपाली कांग्रेसका उपविजेता तीर्थ लामाले ३९ हजार ६ सय ५ मत प्राप्त गरेका थिए । त्यसैगरी प्रतिनिधिसभा क्षेत्र नम्बर १ को प्रदेशसभा १ मा वाम गठबन्धनका नेकपा माओवादी केन्द्रकै तर्फबाट रत्न ढकाल २५ हजार १ सय ६ मतको भारी मत अन्तर ल्याएर विजयी बने भने उनका प्रतिष्पर्धी उपविजेता सीवी लामाले १७ हजार ८ सय ५५ मत प्राप्त गरेका थिए । त्यसैगरी काभ्रे प्रतिनिधि सभा १ प्रदेश सभा २ मा पनि वाम गठबन्धन नेकपा एमालेको तर्फबाट उम्मेदवारी दिएका चन्द्र लामाले २४ हजार ४ सय ४७ मत ल्याएर विजय हात पारे भने उनका प्रतिष्पर्धी उपविजेता नेपाली कांग्रेसका गणेश लामाले २० हजार २ सय ७० मत प्राप्त गरेका थिए ।


उता काभ्रेको प्रतिनिधिसभा निर्वाचन क्षेत्र नम्बर २ मा वाम गठबन्धन नेकपा एमालेको तर्फबाट उम्मेदवारी दिएका गोकुल बास्कोटाले १७ हजार ८ सय ४८ को भारी मत अन्तरले प्रतिष्पर्धी नेपाली कांग्रेसका उपविजेता मधुप्रसाद आचार्यलाई पछि पार्दै विजयी बनेका छन् । विजयी वास्कोटाले ५४ हजार ४ सय २७ मत प्राप्त गरेका थिए भने उपविजेता कांग्रेसका मधुप्रसाद आचार्यले ३६ हजार ५ सय ७९ मत प्राप्त गरेका थिए । त्यसैगरी काभ्रे क्षेत्र नम्बर २ को प्रदेशसभा १ मा वाम गठबन्धन नेकपा एमालेको तर्फबाट उम्मेदवारी दिएका लक्ष्मण लम्सालले पनि प्रतिष्पर्धी नेपाली कांग्रेसका सुन्दरमणि आचार्यलाई भारी मत अन्तरले पराजित गरेका छन् । लम्साल र आचार्यको मत अन्तर ११ हजार ३२ रहेको छ । विजयी उम्मेदवार लम्सालले २७ हजार ६ सय २१ मत प्राप्त गरेका थिए भने उपविजेता आचार्यले १६ हजार ५ सय ८९ मत पाएका थिए । त्यसैगरी क्षेत्र नम्बर २ प्रदेशसभा २ मा पनि वाम गठबन्धनको तर्फबाट नेकपा एमालेका बसुन्धरा हुमागाई विजयी भएका छन् । प्रतिष्पर्धी उपविजेता नेपाली कांग्रेसका कञ्चनचन्द्र बादेलाई हुमागाईले ६ हजार ८ सय ९७ मत अन्तरले पराजित गरेका थिए । विजेता हुमागाईले २८ हजार ६ सय ७७ मत ल्याएका थिए भने उपविजेता बादेले २१ हजार ७ सय ८० मत प्राप्त गरेका थिए ।

यसैबीच निर्वाचन परिणाम आउनुअघि नै मुख्य प्रतिष्पर्धामा रहेको नेपाली कांग्रेस काभ्रेको निर्वाचन परिचालन कमिटीका संयोजक शिवप्रसाद हुमागाईले पत्रकार सम्मेलनको आयोजना गरी मतदातालाई धन्यवाद र विजेता वाम गठबन्धनका उम्मेदवारहरुलाई बधाई ज्ञापन गर्दै शान्ति र समृद्ध काभ्रेका लागि उल्लेखनीय भूमिका निर्वाह गर्न सुझाएका छन् । पराजयलाई स्वीकार गर्दै नपाली कांग्रेसले राजनीतिक संस्कार देखाउँदै विजेता वाम गठबन्धनलाई बधाई ज्ञापन गरेको हो ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार