काभ्रेको कोशीपारिका जनताको माया वाम गठबन्धनलाई, चुनावी सभामा जाँदै गर्दा बाटोमै बादलले सयौं कांग्रेस कार्यकतालाई प्रवेश गराए
विर्तादेउराली, काभ्रे । काभ्रेको प्रतिनिधिसभा निर्वाचन क्षेत्र नम्बर १ अन्तर्गत पर्ने कात्तिकेदेउरालीको चुनावी सभालाई सम्बोधन गर्न जाने क्रममा माओवादी केन्द्रका वरिष्ठ नेता रामबहादुर थापा बादल, उम्मेदवारहरु बमध्वज र रत्न ढकाल, एमाले नेता पशुपति चौंलागाई लगायतको टोलीलाई स्थानीयबासीले भब्य स्वागत गरेका छन् । 
कार्यक्रमस्थलमा पुग्दै गर्दा वाम गठबन्धनको टोलीले कोशीपारिको विभिन्न क्षेत्रका नेपाली कांग्रेसका सयौं कार्यकर्ताहरुलाई वाम गठबन्धनमा प्रवेश गराउँदै फूलमालाद्वारा स्वागत गरेको टोलीमा सहभागी सञ्चारकर्मीहरुले बताएका छन् । कात्तिके देउरालीमा अहिले चुनावी सभा भइरहेको छ । सभामा माओवादी केन्द्रका नेता कमानसिं लामा, लालध्वज, दिनानाथ गौतम, रुकु चौलागाई, रेणुका चौलागाई, एमालेका दिपक चौलागाई, वावुकृष्ण पन्त, विक्रम चौलागाई, लेखराज गौतम, माओवादी केन्द्रका अशोक गौतम लगायतका नेता कार्यकर्ता सहित जनताको व्यापक सहभागिता रहेको छ ।
