काठमाडौं १२ असार : एक्साभेटरको बकेटले हिर्काएर सर्लाहीमा वडाध्यक्षको हत्या गरेको छ । सर्लाहीको ईश्वरपुर नगरपालिका वडा नं ३ का अध्यक्ष सूर्यकुमार श्रेष्ठको एक्स्काभेटरको बकेटले हिर्काएर हत्या गरेको हो ।
एक्स्काभेटर चालक हर्षबहादुर तामाङले बकेट प्रहार गरी वडाध्यक्ष श्रेष्ठको हत्या गरेको सर्लाही प्रहरीका एसपी सन्तोषसिंह राठोरले बताउनु भयो । एसपी राठोरका चालक र ठेकेदारबीच सामान्य विवादमा भएको थियो । तामाङसहित दुई जनालाई पक्राउ गरी अनुसन्धान भइरहेको छ । शुक्रबार राति वडाध्यक्ष श्रेष्ठ ईश्वरपुर नगरपालिका ३ भक्तिपुर भन्ने स्थानमा पोखरी सौन्दर्यीकरणको काम हेर्न भनेर गएको सर्लाही प्रहरीले जनाको छ । सामान्य विवादमा एक्स्काभेटर चालकले श्रेष्ठको टाउको र छातिमा बकेट प्रहार गरेको प्रहरीको भनाइ छ ।
प्रतिक्रिया