Logo

कोरोना कहर : बेसार र अदुवाको प्रयोग गर्नुस् : प्रतिरोधी क्षमता बढ्छ



विश्व्यापीरुपमा कोरोना भाइरसको सक्रमण फैलिएको छ । यस्तो बेला कोरोनासँग लड्नका लागि आत्मशक्ति नै बढाउनु जरुरी छ । आत्मिकरुपमा जसको प्रतिरोधी क्षमता बढी छ, त्यस्तालाई कोरोना भाइरस लागेपनि छिट्टै निको भएको तथ्यहरुले स्पष्ट पारेका छ ।
अदुवा
विशेषगरी नेपालगायत भारतमा अदुवा असाध्यै लोकप्रिय रहेको छ । अदुवालाई जीवन प्रयन्त प्रयोग गर्ने समूह नेपालमा पनि ठूलो मात्रामा रहेको छ । मसलाको रुमपा अदुवा प्रयोग गर्दा त्यसबाट रोग प्रतिरोधी क्षमताको विकास हुन्छ । यद्यपी अदुवा कोरोना भाइरसबाट बच्ने उपाय वा औषधीभ भने होइन । चिकित्सकहरुका अनुसार मानवको स्वास्थ्य ठिक राख्न अदुवाको प्रयोग गर्न सकिने भएपनि यो कोरोना विरुद्धको औषधी भने पक्कै होइन ।
अदुवा निकै स्वादिलो मसलाजन्य परिकार हो । यो जति स्वादिलो छ उत्तिकै गुणकारी तथा लाभदायी पनि रहेको चिकित्सकहरुको भनाइ छ । अदुवामा जिंगेरोल नामक लाभकारी तत्व रहेको छ । जुन वैज्ञानिकहरुका अनुसार शक्तिशाली औषधीय गुण भएको तत्व हो । अदुवाको नियमति सेवनले विभिन्न खाले फाइदा दिने अध्ययनबाट पनि प्रष्ट भएको छ ।

भारतमा त पछिल्लो दिनमा कोरोना भाइरसको सक्रमण बढेपछि अदुवा प्रयोग गर्नेहरुको संख्यामा झण्डै २०० प्रतिशतले वृद्धि भएको भारतीय सञ्चार माध्यमहरुले जनाएका छन् । अदुवाले रक्तप्रवाहलाई सन्तुलित बनाउन सहयोग गर्छ । त्यसमा विशेष गरी क्रोमियम, म्याग्नेसियम तथा जिंक जस्ता तत्व पाइन्छ । ती तत्वले रक्तप्रवाहलाई नियमित र सन्तुलित बनाउँन सहयोग पुर्याउँछ । अदुवामा मधुमेह प्रतिरोधी गुण हुन्छ । अदुवाको नियमित सेवनले रगतमा सुगरको मात्रा नियन्त्रण गरिदिन्छ । साथै यसले रगतमा कोलेस्ट्रोलको मात्रा पनि नियन्त्रण गर्दछ । जसका कारण मुटुरोगको जोखिम पनि कम हुन्छ । विभिन्न सर्जरी तथा क्यान्सरको केमोथेरापी गरेका विरामीमा आउने वाकवाकी तथा वान्ता रोक्न पनि अदुवा सहयोगी भएको तथ्य स्पष्ट भइसकेको छ ।

चिसो तथा रुघाखोकीले सताउँछ भने अदुवा नियमित रुपमा सेवन गर्नाले थप फाइदा पुग्छ । कोरोनाको लक्षण पनि यही भएकाले त्यसबाट लाभ प्राप्त गर्न सकिन्छ । त्यस्तै छाती तथा करंग दुख्ने समस्यामा पनि अदुवाको सेवन फाइदाजनक हुने गरेको छ । थकान तथा कमजोरी महसुस हुने समस्या भएकाहरुका लागि पनि अदुवाको सेवनले राहत प्रदान गर्ने गरेको छ । बाथरोगी तथा जोर्नी दुख्ने समस्या भएकाहरुका लागि समेत अदुवाको सेवन लाभदायी हुन्छ । अदुवाको धुलो नियमित रुपमा सेवन गर्नाले पाचन प्रक्रिया नियमित हुन्छ तथा राम्रोसँग दिसा हुन्छ ।

बेसार
नेपालमा विशेषगरी बेसारलाई अचुक मसलाको रुपमा प्रयोग गरिन्छ । कतिपयले यसलाई हलेदो वा हल्दीको समेत नाम दिएका छन् । नेपाली खाना बनाउँदा बेसार नहालेको खण्डमा के बेसार नहालेको जस्तो भन्ने लोकोत्ति नै स्थापित छ । विशेषगरी कोरोनाबाट जोगाउन प्रतिरोधी क्षमता बढाउन पनि हलेदो वा बेसार प्रयोग गर्न सकिने चिकित्सकहरुको दावी छ ।

बेसार एउटा यस्तो खान्की हो जसले खानालाई स्वादिलो मात्र बनाउँदैन जस्तोसुकै परिकारलाई पनि पहेलो रङमा बदलिदिने तत्व रहेको हुन्छ । जुन मानव स्वास्थ्यका लागि समेत महत्वपूर्ण मानिन्छ । रोगसँग लड्ने प्रतिरोधात्मक क्षमता रहेको हुन्छ ।अनुसन्धानका अनुसार नियमित बेसार खाने व्यक्तिलाई सानोतीनो रोगले सताउँदैन । अकस्मात घाँटी दुखेमा वा शरीरमा दुखाइ भएमा बेसार पानी पिउँदा निकै राहत दिन्छ । बेसारमा करक्युमिन नामक रसायन रहेको हुन्छ । यसले सुन्निएको शरीरमा दुखाई कम गर्ने काम गर्छ । बिहान उठ्ने वित्तिकै मन तातो पानीसँग बेसार मिलाएर खाएमा दिमाग तेज हुने देखिएको छ । बेसार मिसाएर पकाएको खाना पचाउन सजिलो हुन्छ । नियमित बेसार पानी पिउँदा यसले रगत सफा गर्नुका साथै शरीरमा रगत जम्न दिँदैन ।

नियमित बेसार पानी पिउँदा अनुहारमा आउने चाउरीपनाबाट बच्न सकिन्छ । यसले सयम नपुग्दै आउने चाउरीपनालाई रोक्ने काम गर्छ । यस्तै नियमित बेसार पानी पिउँदा मधुमेहको खतरा समेत कम हुने वैज्ञानिक खोज सार्वजनिक भइसकेको छ ।

प्रतिक्रिया दिनुहोस्

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार

सरकारको सबैभन्दा धेरै बजेट शिक्षामा, १ खर्ब ८० अर्ब ४ करोड विनियोजन

काठमाडौँ १५ जेठ :  सरकारले आगामी आर्थिक वर्ष २०७८/७९ का लागि सबैभन्दा धेरै शिक्षामा बजेट

असार पहिलो साताबाट नयाँ शैक्षिक सत्र शुरु गर्न निर्देशन

काठमाडौं ३ जेठ  : काठमाडौं महानगरपालिकाले असार पहिलो साताबाट नयाँ शैक्षिक सत्रको पठनपाठन शुरु गर्न