Logo

कांग्रेस कार्यकर्तालाई निर्वाचनमा जुट्न सभापति देउवाको निर्देशन



काठमाडौं, २३ पुस :  विघटित प्रतिनिधिसभा पुनः ब्युँतिए पार्टीलाई क्षति पुग्ने भन्दै कांग्रेस सभापति शेरबहादुर देउवाले अहिलेको अवस्थामा कांग्रेसलाई निर्वाचन नै उपयुक्त बाटो भएको बताएका छन् ।

बिहीबार देउवालाई भेट्न बुढानिलकण्ठस्थित निवासमा पुगेका कांग्रेस कार्यकर्ताहरुसँग छलफल गर्दै देउवाले आफ्नो पार्टीका लागि निर्वाचन न उपयुक्त अवसर भएकाले निर्वाचनको तयारीमा जुट्न निर्देशन समेत दिएका छन् ।

प्रतिनिधिसभा पुनःस्र्थापना हुँदै नहुनेमा विश्वास दिलाउँदै देउवाले कार्यकर्ताहरुसँग भनेका छन्, ‘प्रतिनिधिसभा पुनःस्र्थापना भए कांग्रेस तेस्रस्रो शक्तिमा पुग्छ, त्यसो हुँदा अहिले पाइरहेको प्रमुख प्रतिपक्षको हैसियत पनि गुम्ने स्थिति आउँछ । त्यसकारण अहिले पार्टीले आन्दोलनका कार्यक्रम घोषणा गरेको छ, यो विरोधका कार्यक्रमलाई पनि चुनावी प्रचारका रुपमा उपयोग गर्नुहोस् र निर्वाचनमा हामी केन्द्रित हुन जरुरी छ ।’

सत्तारुढ दल नेपाल कम्युनिष्ट पार्टी (नेकपा) विभाजित भइसकेको अवस्थामा प्रतिनिधिसभा पुनःस्र्थापना भए नेकपाकै एउटा समूह प्रमुख प्रतिपक्षको हैसियतमा पुग्ने देउवाको विश्लेषण छ ।

विघटित प्रतिनिधिसभामा कांग्रेसको प्रत्यक्षतर्फ २३ र सामानुपातिकमा ४० गरी ६३ सांसद थिए भने सत्तारुढ दल नेकपाको ११६ प्रत्यक्ष र समानुपातिकमा ५८ गरी १७४ सांसद थिए । नेकपा दुई समूहका विभाजित बनिहाल्यो भने कांग्रेस भन्दा नेकपाकै समूहको सिट संख्या धेरै हुने उनको अनुमान छ ।

तर, कांग्रेसले प्रधानमन्त्री ओलीले प्रतिनिधिसभा विघटन गरेकै दिन पदाधिकारीको बैठक बोलाएर प्रधानमन्त्रीको कदमलाई असंवैधानिक भन्दै आन्दोलनमा जाने निर्णय गरिसकेको छ । सभापति देउवा चुनावमा जानुपर्ने पक्षमा भए पनि वरिष्ठ नेता रामचन्द्र पौडेल पक्षधर आन्दोलनमा जानुपर्ने पक्षमा अझै अडिग छन् ।

कांग्रेसले पहिलो चरणको आन्दोलन पूरा गरी दोस्रो चरणको आन्दोलनका कार्यक्रम घोषणा गरेको छ । कांग्रेसले पुस २५ गतेदेखि वडास्तरदेखि देशव्यापी विरोधका कार्यक्रमको तयारी गरिरहेका बेला सभापति शेरबहादुर देउवाले भने कार्यकर्तालाई चुनावको तयारीमा लाग्न निर्देशन दिएका हुन् ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार