धुलिखेल, २६ कात्तिकः काभ्रे प्रहरीले नेपाल सरकाबाट प्रतिवन्धित नेपाल कम्युनिष्ट पार्टी (माओवादी) विप्लब समुहका एक जना कार्यकर्तालाई पक्राउ गरेको छ । प्रहरीले विप्लब समूहमा आबद्ध रहेका धुलिखेल नगरपालिका वडा नम्बर १२ शंखुपाटीचौर एक्लेखेत घर भएका ५४ बर्षीय मधुसुधन बजगाईलाई पक्राउ गरे सार्वजनिक गरेको हो । बजगाईलाई प्रहरीले आज बिहान उनै घरबाट पक्राउ गरेको हो ।
विप्लब समूहमा रही बजगाईले काभ्रे जिल्लाका प्रतिष्ठित व्यक्ति, उद्योगी, व्यापारीहरु समेतलाई फोनबाट समेत धाकधम्की दिई चन्दा माग गर्ने गरेको भन्ने सूचनाको आधारमा पक्राउ गरेको प्रहरीले दाबी गरेको छ । जिल्ला प्रहरी कार्यालयबाट खटिएको प्रहरी टोलीले खोजतलासको क्रममा उनलाई फेला गरेको हो । खोजी गर्दै जादा फेला परेको बजगाईले प्रहरी टोलीले सोधेका कुराको जवाफ नदिई उल्टै प्रहरी टोली माथि अपशव्द प्रयोग गरेको प्रहरीको भनाई छ ।
बजगाईले प्रहरीको काम कर्तब्यमा बाधा अवरोध सृजना गरि अभद्र व्यवहार गरेका तत्काल कानुन बमोजिम पक्राउ गरी मुलुकी अपराध संहिता,२०७४ को परिच्छेद ५ को सार्बजनिक हित स्वास्थ्य सुरक्षा सुबिधा र नैतिकता बिरुद्ध कसूर अन्तर्गत मुद्दा दर्ता गरी आजै जिल्ला प्रशासन कार्यालय काभ्रेपलाञ्चोकबाट म्याद थप अनुमती लिइ प्रहरीले अनुसन्धान अघि बढाएको छ । प्रहरीसँगको प्रारम्भिक बयानमा बजगाईले आफु नेपाल कम्युनिष्ट पार्टि (माओवादी) विप्लब समूहको जिल्ला कमिटी सदस्य रहेको र पार्टीको नीति अनुसार काम बारबाही गर्दै आएको बताएका छन् ।
प्रतिक्रिया