२०८०, १५ चैत्र बिहीबार

दशैमा ४० हजार खसीबोका बिक्री हुने अनुमान, चौपाया अनुगमन शुरु, गल्ती गरे कारबाही

दशैमा ४० हजार खसीबोका बिक्री हुने अनुमान, चौपाया अनुगमन शुरु, गल्ती गरे कारबाही


काठमाडौं, ३ कार्तिक :  दशैंमा काठमाडौंमा ४० हजार खसीबोका बिक्री हुने अनुमान गरिएको छ । कोरोना महामारीका कारण खसी, बोका, भेडा, च्याङ्ग्राको माग कम हुने सम्भावना भएपछि यस्तो अनुमान गरिएको हो ।

काठमाडौं चौपाया खरिद बिक्री प्रालिका अध्यक्ष जनककुमार खड्काका अनुसार संक्रमणको कारण व्यापार कम हुने बताए । हिजोबाट बिक्री शुरु भए पनि अनुमान गरेअनुसार बिक्री नभएको उहाँको भनाइ थियो । उनका अनुसार विगतमा करिब ६० हजार चौपाया बिक्री हुने गरेको थियो ।

‘यो वर्ष करिब २० हजार घट्ने आंकलन गरेका छौं’, खड्काले भने, ‘काठमाडौंमा कलंकी, खसी बजार, टुकुचा, कोटेश्वर, बालाजु, आकाशेधारा कपन, चाल्नाखेललगायत स्थानबाट खसी, बोकालगायत चौपाया बिक्री हुने गरेको छ ।’

भक्तपुरको लोकन्थली र सल्लाघारी, ललितपुरको लगनखेलमा पनि चौपाया बजार लाग्ने गरेको छ । व्यापारीले तीबाहेकका स्थानबाट पनि चौपाया बिक्री गर्ने गरेका छन् । रकारको स्वामित्वमा रहेको खाद्य व्यवस्था तथा व्यापार कम्पनी लिमिटेडले आज सोमबारबाट खसी र बोका बिक्री गर्दै छ । कम्पनीले १ हजार ६ सय खसीबोका बिक्री गर्ने योजना बनाएको छ ।

चौपायका बिक्रीसँगै प्रदेश सरकारको सहयोगमा अनुमगन शुरु गरेको छ । काठमाडौं महानगरको तीन टोलीले अनुगमन शुरु गरेको छ । विशेषज्ञसहितको टोलीले मासुजन्य उत्पादनलाई स्वस्थ्य, स्वच्छ र गुणस्तरीय बनाउन अनुगमन गरेको जनाएको छ ।

महानगरको पशुसेवा महाशाखाका प्रमुख डा। अवधेश झाका अनुसार र प्रदेश सरकारसँग समन्वय गरेर तोकिएका ठाउँबाट स्वस्थ्य चौपाया बिक्री गर्ने गर्ने योजनाअनुसार स्वास्थ्य परीक्षण शुरु गरेका हौं । टोलीले तोकेको स्थानबाट बिक्री गरे नगरेको विषयमा समेत अनुगमन गर्नेछ ।

तीन टोलीको नेतृत्व तीनैजना स्वास्थ्य विज्ञले गरेका छन् । महाशाखा प्रमुख झाका अनुसार किचित्सक पूजा खनाल, अञ्जिरमान सिं डंगोल र डम्मरबहादुर बमको नेतृत्वको टोलीले खसी–बोकाको स्वास्थ्य परीक्षण गरी खान योग्यको सिङमा हरियो र बिरामीको सिङमा रातो रङ लगाउनेछन् । सिङमा रातो रङ लगाएको खसीलाई केही दिन आइसोलेसनमा राखेर पुनः बिक्री गर्न खुला गरिने महाशाखाले जनाएको छ ।

दशैंमा बिक्री हुने चौपायामध्ये च्याङ्ग्राको संख्या घटेकाले भाउ बढेको छ । चौपाया खरिद बिक्री प्रालिका अध्यक्ष खड्काका अनुसार मुस्ताङमा च्याङ्ग्राको मूल्य जिउँदोमा प्रतिकिलो ७ सय ५० पुगेको छ । स्थानीय प्रशासनले शुरुमा यसको मूल्य ६ सय तोकेको थियो । नेपाल समाचार पत्र दैनिकबाट

प्रकाशित मिति : २०७७, ३ कार्तिक सोमबार  ९ : ३३ बजे

बागमती र कोशी प्रदेशमा विहानैदेखि मेघगर्जन र चट्याङ्गसहित हल्का वर्षा

काठमाडौं । हाल नेपालमा पश्चिमी वायु तथा स्थानीय वायुको प्रभाव

अपाङ्गता भएकाहरुको माग संवोधनका लागि कार्यदल गठन गर्न मन्त्री चौधरीको निर्देशन

काठमाडौं । अपाङ्गता भएका व्यक्तिहरुको हक अधिकारका लागि आवश्यक नीति,

राज्य व्यवस्था तथा सुशासन समितिले गृहमन्त्री लामिछानेलाई बोलायो

काठमाडौँ । प्रतिनिधि सभाको राज्य व्यवस्था तथा सुशासन समितिले बुधबारको

एमाले पार्टी कार्यालयमा होलीको रौनक, यसरी मनाए नेताहरुले होली (तस्बिर)

काठमाडौं । नेकपा एमालेका अध्यक्ष केपी शर्मा ओलीसहितका शीर्ष नेताहरुले

आज पनि पाँच प्रदेशमा पानी पर्ने, केहि स्थानमा हल्का हिमपातको सम्भावना

काठमाडौं । हाल नेपालमा पश्चिमी न्यून चापीय प्रणाली र स्थानीय