JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.
Logo

मण्डनदेउपुरमा तपेश्वर माविको नयाँ भवन शिलान्यास



बनेपा १ कार्तिक : काभ्रेको मण्डनदेउपुरमा तपेश्वर माविको नयाँभवन शिलान्यास गरिएको छ । ईको हिमाल नेपालको आर्थिक तथा प्राविधिक सहयोगमा मण्डनदेउपुर वडा नं ५ मा बन्न लागेको पक्की चारकोठे भवनको शुक्रबार नगरप्रमुख टोकबहादुर वाईवाले शिलान्यास गर्नु भएको हो ।

शिलान्यास कार्यक्रममा नगरप्रमुख टोकबहादुर वाईवाले शिक्षा र स्वास्थ्य क्षेत्रलाई नगरले पहिलो प्राथमिकतामा राखेर योजना निर्माण कार्यन्वयन गर्ने गरेको बताउनु भयो । नगरका हरेक वडामा पक्की विद्यालय भवन, दक्ष शिक्षक र नयाँप्रविधि र बालमैत्री शिक्षण सिकाईका लागि बाताबरण निर्माण गर्ने अभियान पुरा भएकाले आगामी दिनमा हरेक विद्यालयको शिक्षण उपलब्धी खोज्ने प्रमुख वाईवाले बताउनु भयो ।

कार्यक्रममा ईको हिमाल नेपालका कार्यकारी निर्देशक नारायण ढकालले मण्डनदेउपुरमा बिगत लामो समयदेखि ग्रामिण शिक्षा सहयोग परियोजना मार्फत सामुदायिक विद्यालयको भवन निर्माण, शिक्षण सिकाईलाई प्रभावकारी बनाउन सबै विद्यालयहरुमा सहजीकरण र किशोर किशोरीहरुका लागि यौन तथा प्रजनन स्वास्थ्य शिक्षा कार्यक्रम संञ्चालन गरिरहेको बताउनु भयो । निर्देशक ढकालले मण्डनदेउपुरमा कृषि पेशालाई व्यवसायीमुखी बनाउन कृषि प्राविधिक मार्फत किसानको खेतबारीमै पुगेर आधुनिक खेती प्रणालीबारे सहजीकरण र प्रविधि हस्तान्तण गर्ने कार्यक्रम संचालन भैरहेको बताउनु भयो ।

शुक्रबार शिलान्यास भएको विद्यालय भवन निर्माणका लागि ईको हिमालले ६० लाख रुपैयाँ र नगरपालिकाले १० प्रतिशत सहयोग गरेको वडा नं ५ का वडा अध्यक्ष नेत्रप्रसाद ढकालले जानकारी दिनुभयो । कार्यक्रममा वडा नं ६ का अध्यक्ष एवं नगरपालिकाका प्रवक्ता डिल्ली आचार्यले बालबालिका भोलिको कर्णधार भएकाले नगरले शिक्षाको विकासमा जोड दिएको बताउनु भयो ।

कार्यक्रममा समाजसेवी शेरबहादुर डोटेलले विद्यार्थी अभिभावकको आकार्षण नीजि विद्यालयमा भएकाले सामुदायिक विद्यालयका शिक्षकहरुले समय सापेक्षिक शिक्षण सिकाई प्रणालीमा जोड दिनुपर्ने बताउनु भयो ।

प्रतिक्रिया दिनुहोस्

कक्षा १२ को परीक्षामा अन्योल : साढे चार लाख विद्यार्थी सरकारी निर्णयको प्रतीक्षामा

काठमाडौं, २८ असोज :  परीक्षा स्थगित भएको सात महिनासम्म कुनै निर्णय नहुँदा कक्षा १२ अध्ययनरत

६ महिनादेखि तलब नपाएपछि निजी विद्यालयका शिक्षक सडकमा

सुनसरी, १८ असोज : निजी विद्यालयका शिक्षकले प्रदेश १ का मुख्यमन्त्री र अन्य मन्त्रीले आफ्ना

आजबाट विद्यालय सञ्चालन गर्न पनौती नगरपालिकाको मापदण्ड तयार

पनौती १५ असोज : काभ्रेको पनौती नगरपालिकाले विद्यालय सञ्चालन गर्नको लागि मापदण्ड तयार पारेको छ

विद्यार्थी सिकाई सहजीकरण गर्न धुलिखेल नगरपालिकाको आग्रह

धुलिखेल १३ असोज : धुलिखेल नगरपालिकाले विद्यार्थी सिकाई सहजीकरण निर्देशिकाको प्रक्रिया र मापदण्ड पालना गरी

पाँचखालका विद्यालयमा पठनपाठन सुरु

धुलिखेल ५ असोज : पाँचखाल नगरपालिका भित्र रहेका नीजि तथा सरकारी विद्यालयहरुमा पठनपाठन सुरु भएको

काभ्रे तेमालका सबै शिक्षकहरुको निःशुल्क कोरोना बिमा

धुलिखेल, १७ भदौँः काभ्रेको तेमाल गाउँपालिकाले आफ्नो पालिकाभित्र कार्यरत शिक्षकको निःशुल्क कोरोना बिमा गरिदिने भएको