Logo

रञ्जिता जस्तै कतिले अकालमै ज्यान गुमाउनु पर्ने हो डाँडापारीमा ?



धुलिखेल, १४ साउनः हिजो दिउँसो १२ बजेर ३९ मिनेट जाँदा खानीखोला गाउँपालिका वडा नम्बर ६ का अध्यक्ष मान बहादुर गोलेले सामाजिक सञ्जालमा आकाशमा उड्दै गरेको हेलिकप्टरको तस्बिर राखेर लेखे, ‘खानिखोला ६ सतभैयामा कामी सिङ थोकरको छोरी रन्जिता थोकर ३ दिन देखि झाडापखालाका कारण हाल बेहोस अबस्थामा रहेको र स्थानीय स्वास्थ्य चौकिमा उपचार सम्भब नभएकाले उपचारको लागि काठमाडौ ल्याउदै ।’

तर उनै वडाध्यक्षले ३ बजेर ३५ मिनेट जाँदा अर्का स्टाटस लेखे ‘कति कोशिश गरे बचाउन सकिन रन्जिता नातिनी तिमिलाइ हार्दिक श्रद्धाञ्जली । प्राप्त विवरणहरु अनुसार रञ्जिता तीन दिन देखि झाडापखलाबाट ग्रसित थिइन् । सम्भवतः जनप्रतिनिधि र स्वास्थ्य कर्मीले थाहा पाएको तीन दिन भएको हुनुपर्छ । तर रञ्जिता त्यो भन्दा अघि देखिनै बिरामी भएको आशंका गरिएको छ ।

१७ बर्षीय रञ्जिता वडा नम्बर ६ मै रहेको शारदा माध्यामिक विद्यालयको कक्षा ९ बाट उर्तीण भएर १० मा भर्ना भएकी थिइन् । उनका साथीहरुका अनुसार रञ्जिता लगनशील र मेहेनती छात्रा भित्रै पर्थिन । रञ्जिताको अवस्था थप जटिल बन्दै गएको र गाउँमा उपचार सम्भव नभएपछि गाउँपालिकाका अध्यक्ष कृष्ण बहादुर खुलालले हेलिकप्टरको पठाइदिन जिल्ला प्रशासन कार्यालयलाई पत्र पठाएका थिए । लगत्तै प्रशासन कार्यालय गृह मन्त्रालयलाई आग्रह गरेर हेलिकप्टर गाउँ पुगेको थियो । तर हेलिकप्टरले रञ्जितालाई नलिइ फर्कियो ।

डाँडापारीको खानीखोला र महाभारत गाउँपालिकामा सयमै उपचार नपाएर अकालमै मर्नुपर्ने घटना यो पहिलो र नयाँ होइन । त्यस क्षेत्रमा भरपर्दो अस्पताल छैन् । पैदल मार्गबाट अस्पताल ल्याउन सडकको राम्रो ब्यवस्था छैन् । स्थानीय तहमा जनप्रनिधि निर्वाचित भएपछि सडकको ट्याक खोल्ने काम त गरेका छन् । बर्खा याम सुरु हुने वित्तिकै बन्द हुन्छन् ।

धामी झाँक्रीको भरपर्दा रञ्जिताको ज्यान गयो !
जानकारहरुका अनुसार डाँडापारी क्षेत्रमा धामी झाँक्री माथिको विश्वास ब्याप्त छ । त्यसको सिकार रञ्जिता भइन् । वडा नम्बर ६ का वडाध्यक्षले सामाजिक सञ्जालमा लेखेको कुराबाटै थाहा हुन्छ कि उनी बेहास भएपछि मात्रै जनप्रतिनिधि र स्वास्थ्य कर्मीले थाहा पाए ।

२०४५ सालदेखि स्वास्थ्य चौकीमा कार्यरत रहेर अहिले गाउँपालिकाको स्वास्थ्य संयोजकको जिम्मेवारी सम्हालेका रामपुकार यादवले पनि धेरै जसो स्थानीय अझै पनि धामी झाँक्रीकै विश्वास गर्ने गरेको बताए । ‘यो क्षेत्रमा एक घर, एक धामी झाँक्री जस्तै छन् उनले भने ‘पहिलेको हेरि त अहिले अवस्था धेरै सुध्रिएको हो, रञ्जिताको मृत्युको पछि पनि कुनै न कुनै हिसाबले धामी झाँक्रीमा विश्वास गर्नु र समयमै स्वास्थ्य चौकी नपुर्याएको देखिन्छ ।’

प्रतिक्रिया दिनुहोस्

महाभारत गाउँपालिकामा शिक्षकलाई कम्प्युटर तालिम

धुलिखेल २० साउन : काभ्रेको विकट क्षेत्रमा पर्ने महाभारत गाँउपालिकामा कार्यरत शिक्षकहरुलाई कम्प्युटर तालिम दिने

नमोबुद्ध र पनैती नगरपालिकाले तत्काल विद्यालयमा पठन पाठन नगर्न आग्रह

धुलिखेल २० साउन : काभ्रेको नमोबुद्ध र पनौती नगरपालिकाले तत्काल पठन पाठन सुरु नगर्न विद्यालयहरुलाई

पूर्व मन्त्री बाँस्कोटाको पहलमा मण्डनदेउपुरका सामुदायिक विद्यालयको यसरी फेरिदैँ मुहार

धुलिखेल, ५ साउनः सरकारमा सहभागि भएको छोटो समयमै विवादपछि राजिनामा दिएका पूर्व सञ्चार तथा सूचना

तेमालका दलित छात्रछात्रालाई छात्रबृत्ति

धुलिखेल, २७ असार, काभ्रेको तेमाल गाउँपालिकाले पालिकाभित्रका दलित छात्रछात्राहरुलाई छात्रबृद्धि वितरण गरेको छ । पालिकाले

धुलिखेल नगरपालिकाले भन्यो ‘स्नातक तह पढ्ने विद्यार्थीलाई कुनै शुल्क लाग्दैन’

धुलिखेल, १९ असारः काभ्रेको धुलिखेल नगरपालिकाले धुलिखेल क्याम्पस र सञ्जिवनी नमुना क्याम्पसमा स्नातक तहमा पढ्ने

शिक्षामा मण्डनदेउपुर नगरपालिकाको लोभलाग्दो कार्यक्रम

धुलिखेल, ११ असारः काभ्रे जिल्लाको कान्छो नगरपालिका मण्डनदेउपुरले शिक्षा क्षेत्रमा आगामी बर्ष पनि लोभलाग्दो कार्यक्रम