धुलिखेल, २३ असारः मण्डनदेउपुर नगरपालिकाले आगामी आर्थिक बर्ष २०७६/७७ मा पर्यटन प्रबद्र्धनको लागि गुरु योजना बनाउने भएको छ । ७ औँ नगरसभामा नगरप्रमुखले प्रस्तुत गर्नुभएको नीति तथा कार्यक्रममा नै पर्यटन प्रबद्र्धनको कार्यक्रम समावेश गरिएको छ ।
आगामी आर्थिक बर्षको लागि आन्तरिक पर्यटन प्रबद्र्धनको लागि नगरकोट, ठुलिचौर, थामीडाँडा, बुद्धपार्क लगायतका प्रमुख पर्यटकीय गन्तब्यहरुको पुर्वाधार विकास गर्ने नीति समेत लिइएको छ । यसैगरी पर्यटकीय पदमार्ग निमार्ण गरिनुको साथै ठुलोचौर र थामीडाँडामा भ्यु टावर निमार्णको कामलाई निरन्तरता दिइनेभएको छ ।
योसँगै विभिन्न भाषाभाषी तथा धर्म संस्कृतिको पहिचान गरी प्रवद्र्धनको काम समेत गरिने भएको छ ।
प्रतिक्रिया