Logo

मकर मेलाको तयारी पनौती नगरपालिकाले यसरी गर्दैछ



धुलिखेल, १७ असारः प्रत्येक १२ वर्षको अन्तरमा पनौतीमा हुने मकर मेला यहि वर्षको माघ महिनामा लाग्दै छन् । कोरोना भाइरसका कारण अहिले ठूल ठूलो मेला, पर्व, जात्राहरु रोकिएका छन् । सरकारी आँकडाहरुका अनुसार आगामी फागुनसम्मै पनि नेपालमा कोरोना भाइरसको संक्रमण अवस्था रहिरहने छ ।

तर पनौती नगरपालिकाले भने मकर मेला ब्यवस्थापनका लागि काम अगाडी बनाउने निधो गरेको छ । ऐतिहासिक धार्मिक एवं साँस्कृतिक महत्वको १२ बर्षे मकर मेला सम्पन्न गर्न एक सय १ सदस्यीय मुल ब्यवस्थापन समिति गरिनेछ । यो समिति अन्तर्गत पूजा आज, प्रदर्शनी, यातायात, सरसफाई, साँस्कृतिक, प्रचार–प्रसार, सूचना तथा खोज उद्धार, सजावट, स्वास्थ्य र स्वयम सेवक परिचालन हुनेछन् । एक महिनासम्म चल्ने मेलालाई भब्य र ब्यवस्थित बनाउन नगरपालिकाले थुप्रै योजनाहरु अघि सारेको छ ।

नगरपालिकाले मेलालाई थप ब्यवस्थित बनाउन र सहभागिहरुलाई आकर्षक देखाउन रोशी खोता तर्फ सिँढी निर्माण गर्ने भएको छ । रोशी खोला तर्फ ४ स्थानमा चेक ड्याम र पक्की शौचालय मर्मत सुधार, त्रिवेणीघाट कज्वे मुनि अस्थायी शौचालय, मानेश्वरी बसपार्क क्षेत्रमा शौचालय निर्माण गरिने नगरप्रमुख भिम प्रसाद न्यौपानेले बताए । गएको जेठ १४ गतेको बाढीले क्षति पुर्याएको त्रिवेणीघाट पैदलयात्री पक्की पुल, संकटा जाने पुल र कोखुशी पुलको पुनःनिर्माण गरिनेछ ।

पनौतीबाट चल्ने सबै सार्वजनिक यातायातका साधनमा ‘Visit Maker Mela 2078 Panauti’ पनौती जाऔँको स्टिकर राखिनेछ । ठमेल, रत्नपार्क, गोंगबु बसपार्क, कलंकी, कोटेश्वर, बालाजु, बनेपा लगायतका स्थानमा मकर मेला सम्बन्धी सचित्र रंगीन होडिंग बोर्ड र मेला स्थलसम्म पुग्ने दुरी, यातायातका साधनको बारे उल्लेख गरिनेछ ।

पनौतीभित्रका सबै मठमन्दिर, पार्टीमा रंगरोगन, झल्लर तोरण गरिनेछ । ढुंगेधारा मर्मत, थप धाराहरुको ब्यवस्था, फूटपाथ मर्मत, पुलिस पाटी र रामसीता मन्दिरको जस्ताको छानो झिकेर झिंगटी लगाउने, रथहरुको आवश्यक मर्मत गरी तयारी अवस्थामा राख्ने, सडक बत्तिको पर्याप्त ब्यवस्था गर्ने र कज्वे मुनि अस्थायी चिता निर्माण गरिने नगरप्रमुख न्यौपानेले आगामी वर्षको नीति तथा कार्यक्रममा उल्लेख गरेका छन् ।

ढाँडाचौर रानीकोट सूर्य विनायक, मानेदोभान, रानीकोट सूर्यविनायक र जाकीडोल शारदा बीपी राजमार्ग सडकलाई पूर्ण रुपले सञ्चालनमा ल्याइने छ । त्यस्तै निर्माधिन रहेका पनौती बाँसडोल, पनौती खोपासी, पनौती कुशादेवी नमोबुद्ध र पनौती बनेपा र कुशादेवी आशापुरी साँगा सडकलाई जतिसक्दो छिटो सम्पन्न गरी सञ्चालनमा ल्याइने नगरपालिकाको कार्यक्रममा उल्लेख छ ।

मल्मी ड्यामवाट मेला अवधिभर नियमित रुपले रोशी खोलामा पानी बहाइने छ । पुण्यमाता खोलाको ३ स्थानमा पानी बोरिंग गरी खोलामा प्रवाह गर्ने, मल्पी लिलावती बाँसडोल खोलामा पानी प्रवाह गरिनेछ । मकर मेला सुरु हुनुभन्दा कम्तिमा ३ दिन अगाबै खानी तथा खानी जन्य उत्खनन र पैठारीको काम बन्द गरिनेछ ।

मूल्यमा एक रुपता तथा वस्तु एंव सेवामा शुद्धता र स्वच्छता कायम राख्न कोसेली घर, खाजा घर, घरबास र यातायात सेवाको शुल्क कायम गरिनेछ । भिडमा छोडिएका हराएका बेखर्ची भएकालाई कम्तिमा १ दिनको बसाईका लागि भोजन सहितको बस्ने ब्यवस्था मिलाइने नगरप्रमुख न्यौपानेले बताए ।

प्रतिक्रिया दिनुहोस्

महाभारत गाउँपालिकामा शिक्षकलाई कम्प्युटर तालिम

धुलिखेल २० साउन : काभ्रेको विकट क्षेत्रमा पर्ने महाभारत गाँउपालिकामा कार्यरत शिक्षकहरुलाई कम्प्युटर तालिम दिने

नमोबुद्ध र पनैती नगरपालिकाले तत्काल विद्यालयमा पठन पाठन नगर्न आग्रह

धुलिखेल २० साउन : काभ्रेको नमोबुद्ध र पनौती नगरपालिकाले तत्काल पठन पाठन सुरु नगर्न विद्यालयहरुलाई

पूर्व मन्त्री बाँस्कोटाको पहलमा मण्डनदेउपुरका सामुदायिक विद्यालयको यसरी फेरिदैँ मुहार

धुलिखेल, ५ साउनः सरकारमा सहभागि भएको छोटो समयमै विवादपछि राजिनामा दिएका पूर्व सञ्चार तथा सूचना

तेमालका दलित छात्रछात्रालाई छात्रबृत्ति

धुलिखेल, २७ असार, काभ्रेको तेमाल गाउँपालिकाले पालिकाभित्रका दलित छात्रछात्राहरुलाई छात्रबृद्धि वितरण गरेको छ । पालिकाले

धुलिखेल नगरपालिकाले भन्यो ‘स्नातक तह पढ्ने विद्यार्थीलाई कुनै शुल्क लाग्दैन’

धुलिखेल, १९ असारः काभ्रेको धुलिखेल नगरपालिकाले धुलिखेल क्याम्पस र सञ्जिवनी नमुना क्याम्पसमा स्नातक तहमा पढ्ने

शिक्षामा मण्डनदेउपुर नगरपालिकाको लोभलाग्दो कार्यक्रम

धुलिखेल, ११ असारः काभ्रे जिल्लाको कान्छो नगरपालिका मण्डनदेउपुरले शिक्षा क्षेत्रमा आगामी बर्ष पनि लोभलाग्दो कार्यक्रम