धुलिखेल, ६ असारः जुवाखालबाट बनेपा प्रहरीले बनेपा नगरपालिका वडा नम्ब ६ मा रहेको पाँचकुमारी पेट्रोल पम्पका सञ्चालक जनक तिमल्सिना सहित ६ जना पक्राउ गरेका छन् । बुडोल घर भएका तिमल्सिना यसअघि पनि यस्तै काण्डमा पर्दै आएका छन् ।
पक्राउ पर्नेमा तिमल्सिनासँगै धुलिखेल नगरपालिका वडा नम्बर ४ का अनिल थापा, किरण रञ्जित, रामेश्वर पण्डित, विश्व लामा र भोला राय छन् । उनीहरुको साथबाट प्रहरीले ६ लाखभन्दा बढी रकम पनि बरामद गरेको स्रोतले जनाएको छ । तर प्रहरीले भने यस विषयमा बोल्न चाहेको छैन ।
उनीहरुलाई जुवा खेलिरहेकै अवस्थामा गएराति ९ः३० बजेट प्रहरीले नियन्त्रणमा लिएको थियो । इलाका प्रहरी कार्यालय बनेपाले उनीहरुलाई जिल्ला प्रहरी कार्यालय धुलिखेलको जिम्मा लगाएको छ ।
प्रतिक्रिया