JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.
Logo

‘गरिब मजदुर, विपन्न र अतिविपन्न परिवारका लागि फूड बैंक’ पनौतीका मेयर न्यौपाने



काभ्रे जिल्लामा १३ वटा स्थानीय तह छन् । कोरोना भाइरससँग जुध्न जिल्लाको पनौती नगरपालिकाले फरक फरक काम गरिरहेको छ । नगरस्तरीय विपद् ब्यवस्थापन समितिको बैठक बसेर फूड बैंक सञ्चालन गरेको नगरपालिकाले हालसम्म राम्रो सहयोग पाइरहेको छ । नगरभित्रका विपन्न र अति विपन्न घर परिवारको तथ्याङ्क संकलन गरेको नगरपालिकाले राहत वितरणलाई तीब्रता दिइरहेको छ । कोरोनाभाइरससँग जुध्न पनौती नगरपालिकाले गरेको कामका बारे काजल तामाङ र मालती कुँवरले गरेको कुराकानी ।

कोरोना भाइरस (कोभिड –१९)बाट जनतालाइै बचाउन तपाईको नगरपालिकाले कस्तो अभियान संचालन गरिरहेको छ ?
हामीले कोरोना भाईरसबाट जनतालाई बचाउन दुईवटा अभियानलाई प्राथमिकतामा संचालन गरेका छौ । एउटा स्वास्थ्य उपचारको अभियान र अर्को फूड बैक निर्माण । जनताको स्वास्थ्यलाई मध्यनजर गरी हामीले पनौतीमा रहेका सबै स्वास्थ्यकर्मीहरुलाई उच्च सर्तकतामा राखेको छौं । त्यस्तै हामीले जिल्लामै पहिलो पटक निर्माण गरेको फूड बैकमा बृहत रुपमा राहात संकलन भैरहेको छ । यी दुई अभियानले हामीलाई धेरै नै हौसला मिलेको छ । आजको दिनसम्म फूड बैकका लागि दजनौ संघसंस्था र व्यक्तिहरुबाट सहयोग प्राप्त भैरहेको छ । म सबैलाई धन्यवाद पनि दिन चाहान्छु । यसैगरी हामीले पहिलो चरणको राहत वितरण गर्ने काम गरिसकेका छौँ । हामीले विषेश गरी अति विपन्न घर परिवारलाई समेटिएर पहिलो चरणमा हामीले १ सय ३० घर परिवारलाई राहत वितरण गरिसकेका छौँ । अव हामी दोस्रो चरणमा राहात वितरण गदैंछौं । नगरपालिकाले श्रमिक तथा अति विपन्न ६ सय ९७ घर परिवारको सुचि पनि बनाएका छौँ । यो सबै सुची वडा कार्यालयहरुले तयार पारेका हुन । यी मध्ये ६ सय घरधुरीलाई राहत उपलब्ध गराउदैछौँ । भरखरै मात्र हामीले वडा नं ६, ९, १० र ११ मा रहेका श्रमिक तथा अति विपन्न घरपरिवारलाई राहत वितरण ग¥यौँ । आजपनि हामी ४ वटा वडामा वितरण गदैँछौँ । यसरी नै हामी कोरोना बिरुद्धको अभियानमा निरन्तर लागिरहने छौँ ।

पनौती फूड बैंकमा अहिले सम्म कति जति राहात संकलन भयो नी ?
पनौती नगरपालिकाको संचालनमा ल्याएको फुट बैकमा १७ प्रकारका राहात सामाग्री जम्मा भएका छन् । यो जानकारी आम सर्वसाधारणले फेसबुक पेजमा गएर पनि हेर्न सकिन्छ । त्यहाँ हामीले हरेक दिनमा के कति जम्मा भयो जनाकारी दिने गरेका छौँ । यो फुड बैकको नेतृत्व गर्ने टोली नगरले छुटै बनाएको छ । उहाँहरुले आज मलाई जानकारी गराए अनुसार चामल १८ हजार किलो जम्मा भैसकेको छ । यो बाहेक अन्य राहत सामाग्री संकलन भइरहेको छ । नपुगेमा नगरले पनि सहयोग गर्नेछ ।

जिल्लाका अरु स्थानिय तहहरुलेभन्दा विलकुल फरक अभियान शुरु गर्नुभयो फूड बैक यो सञ्चालन गर्न कत्तिकोसहज भैरहेको छ ?
हामीले नयाँ सोचका साथ फुट बैंक संञ्चालनमा ल्याएका हौं । यो जिल्लाकै नमुना काम जस्तो लाग्छ । यो सञ्चालनमा आएपछि राहत वितरण र संकलनमा सहज चाही भएको छ । यो बैक संचालनका लागि नगरपालिकाले २५ जना कर्माचारीहरु नियमित रुपमा खटाएका छन् । यो बैकमा कार्यरत कर्मचारीहरुको नेतृत्व वरिष्ठ अधिकृत ईन्द्रमणी अधिकारी गर्नुभएको छ । उहाँहरुले नगरभित्र राहत पाउनुपर्ने व्यक्तिको पहिचान गरी सुचि बनाउने नामहरु सार्वजनिकीकरण गर्ने, हरेक घर–घरमा गएर राहत वितरण गर्र्ने लगायतका कामहरु गरिरहनु भएको छ । राहत वितरण गर्दा दुरी कायम गर्नुपर्ने पहिलो हुन्छ । यी सबै कामहरु गर्दा निकै झन्जटिला त होलन भनेर सबैले भन्छन् तर हामीलाई स्थानिय संघसंस्था तथा नगरपालिकाकै स्थानिय कर्मचारीहरुले सहयोग गरिरहनुभएको छ । कुनै समस्या छैन । हामीले हरेक दिनको विवराण ५ बजे हाम्रो नगरपालिकाको वेवसाइडमा हाल्ने गरेका छौँ । यसले गर्दा फूड बैंकबाट कहाँ कति सहयोग भयो र कति संकलन भयो भन्ने कुराको जानकारी पनि सबैले थाहा पाउनुहुन्छ । हामीले यसलाई निकै पारदर्शि बनाएका छौँ ।

नगरबासी कत्तिको खुशी हुनुहुन्छ ?
नगरबासी धेरै खुशी देखिन्छ । राहत पाउने गरिव तथा अतिविपन्न नागरिकहरु त धेरै नै खुसी हुनुहुन्छ । उहाँहरुले नगरपालिको कतै आलोचना गर्नुभएको छैन । हरेक वडाका ती घर परिवारले सहजरुपमा राहत पाएका छन् । यो लकडाउन जहिले सम्म हुन्छ, त्यो बेला सम्म नगरले संचालन गरेको फुड बैक मार्फत रहत धान्नुपर्ने हुन्छ । यो झन्जटिलो त छ नै तर यो संगै सहयोग गर्ने पनि धेरै हुनुभएकाले हामीलाई हौसला पनि मिलेको छ ।

जिल्लामा रहेका अन्य स्थानीय तहले पनि फुड बैक संचालन गर्न के गर्नु पर्ला ? सुझाव दिनुहोस् न ।
यो काम गर्न धेरै ढिला भैसक्यो । सबै स्थानीय तहले फुड बैक निर्माण गरे राम्रो हुन्छ । म त भन्छु जिल्लामै एउटा फुट बैकको आवश्यकता छ । अहिले धेरै स्थानीय तहाको यो निर्माणमा ध्यान गएको छैन । लकडाउन लम्बीरह्यो भने जिलामा खाद्यान्न अवाभ हुन सक्छ । त्यसैले सबै स्थानीय तहको फुड बैक निर्माण तिर ध्यान जान जरुरी छ ।  हामी जनताको जनप्रतिनिधि जनताप्रति जिम्मेवार हुनुपर्छ । अनि जवाफदेही पारदर्शी हुने हाम्रो कर्तव्य पनि हो । भविष्यमा हुन सक्ने खाद्य संकटलाई सबै मिलेर समाधानको बाटो तर्फ लागौं भन्न चाहान्छु ।

फूड बैंक जस्तै अरु कुनै नयाँ काम गर्ने सोच केही बनाउनु भएको छ की ?
गर्नु पर्ने काम धेरै छ । तर तत्काल भेला गराएर योजना बनाई हाल्ने समय छैन । लकडाउनको बेला पनि छ । भेला गर्नु पनि भएन । केही समय पछि नयाँ योजना लिएर जनताको घरदौलोमा पुग्ने सोच बनाएको छु । अहिलेलाई यो लकडाउको समयमा ७ सय ३० घर परिवारलाई खानाको राम्रो व्यवस्थ गर्न लागिरहेको छु । हाम्रो अभियानलाई काभ्रेमा रहेका संघसंस्था, उद्योगी र व्यवसाय र नागरिक समाजको सहयोगको अपेक्षा लिएको छु ।

अन्त्यमा नगरबासीलाई केही सन्देश छ ?
लकडाउनको बेला संघ र प्रदेश सरकार, नगरपालिकाको अनुरोधलाई नगरबासीले सहजरुपमा लिएको छ । अभियानलाई सहयोग गरेको छ । केही समय कामलाई थाति राखिदिनुस् । बाँच्न सक्यौँ भने त काम पछी पनि गर्न सकिन्छ । कोरोनाबाट बच्नको लागि नियमको पनि पालना गरौँ । सबैलाई सुरक्षित रहनको लागी म हार्दिक अनुरोध गर्न चाहन्छु ।

प्रतिक्रिया दिनुहोस्

आजबाट विद्यालय सञ्चालन गर्न पनौती नगरपालिकाको मापदण्ड तयार

पनौती १५ असोज : काभ्रेको पनौती नगरपालिकाले विद्यालय सञ्चालन गर्नको लागि मापदण्ड तयार पारेको छ

विद्यार्थी सिकाई सहजीकरण गर्न धुलिखेल नगरपालिकाको आग्रह

धुलिखेल १३ असोज : धुलिखेल नगरपालिकाले विद्यार्थी सिकाई सहजीकरण निर्देशिकाको प्रक्रिया र मापदण्ड पालना गरी

पाँचखालका विद्यालयमा पठनपाठन सुरु

धुलिखेल ५ असोज : पाँचखाल नगरपालिका भित्र रहेका नीजि तथा सरकारी विद्यालयहरुमा पठनपाठन सुरु भएको

काभ्रे तेमालका सबै शिक्षकहरुको निःशुल्क कोरोना बिमा

धुलिखेल, १७ भदौँः काभ्रेको तेमाल गाउँपालिकाले आफ्नो पालिकाभित्र कार्यरत शिक्षकको निःशुल्क कोरोना बिमा गरिदिने भएको

बेथानचोक गाँउपालिकाले बैकल्पीक शिक्षण सिकाई बन्द गर्ने

धुलिखेल २४ साउन : काभ्रेको बेथानचोक गाँउपालिकाले बैकल्पीक शिक्षण सिकाई सहजिकरण कार्यबन्द गर्ने निर्णय गरेको

महाभारत गाउँपालिकामा शिक्षकलाई कम्प्युटर तालिम

धुलिखेल २० साउन : काभ्रेको विकट क्षेत्रमा पर्ने महाभारत गाँउपालिकामा कार्यरत शिक्षकहरुलाई कम्प्युटर तालिम दिने