Logo

अरनिको र बीपी राजमार्गमा लकडाउन कार्यान्वयन गर्न प्रहरी तैनाथ



धुलिखेल, १३ चैतः जिल्ला प्रशासन कार्यालय काभ्रले लकडाउनको तेस्रो दिन दुई राजमार्गमा थप कडाई गरेको छ । अरनिको र बीपी राजमार्गमा बिहानै देखि थप सुरक्षा कर्मी परिचालित छन् । राजमार्गमा नेपाल प्रहरी र सशस्त्र प्रहरीले सरकारले घोषण गरेको लकडाउन उल्लंघन गरी सवारी चलाउनेलाई कारबाही गर्ने गरेको छ ।

जिल्ला प्रहरी कार्यालयले राजमार्ग केन्द्रित गस्ती बढाएको छ । चेक पोइन्टहरुलाई पनि थप कडाइ गर्न निर्देशन दिइएको छ । प्रहरीले बुधबार सरकारको निर्णय उल्लंघन गर्ने १७१ वटा मोटरसाइकल, ३ वटा मिनिट्रक, १२ वटा स्कुटर, ४ वटा कार, १ वटा स्कर्पियो, ४ वटा साइकल र दुई मानिसलाई कारबाही गरेको थियो ।

एम्बुलेन्स, खाद्यन्न, तरकारी, दूध, पानी बोक्ने जस्ता अत्यावश्य सवारी साधन बाहेक अन्य सवारी साधन सञ्चालनमा रोक लगाइएको जिल्ला प्रशासन कार्यालयले काभ्रेले जनाएको छ ।

प्रतिक्रिया दिनुहोस्
error: Content is protected !!