Logo

शिक्षा शाखा प्रमुख नहुँदा परीक्षा सञ्चालनमा समस्या



बनेपा १ चैत जिल्लाको डाँडापारिस्थित खानीखोला गाउँपालिकामा शिक्षा शाखा प्रमुख नहुँदा पालिकास्तरीय परीक्षा सञ्चालन गर्न समस्या आएको छ ।

समस्याकै बीचमा गत फागुन २८ गतेबाट परीक्षा सञ्चालन पनि भइरहेको छ । जनविकास माध्यमिक विद्यालयका प्रधानाध्यापक देशबहादुर वाइबालले शिक्षा शाखा हेर्ने कर्मचारी नहुँदा परीक्षा सञ्चालनमा समस्या आउने गरेको बताउनुभयो । गाउँपालिकाले प्राथमिक तहदेखि माध्यमिक तहसम्मको परीक्षा प्रश्नपत्र विगतदेखि नै अरु पालिकाबाट लगेर सञ्चालन गर्दै आएको उहाँले बताउनुभयोे । उहाँका अनुसार शिक्षा शाखा हेर्ने कर्मचारी नभएका कारण परीक्षा सञ्चालनमा समेत समस्या भइरहेको छ । अहिले सो गाउँपालिकाले सो शाखा गर्ने जिम्मा प्रशासनका कर्मचारी मोहनलाल श्रेष्ठलाई दिएको बताइएको छ ।

“म प्रशासनको मान्छे, मलाई शिक्षासम्बन्धी केही जानकारी छैन, शिक्षा हेर्ने कर्मचारी नभएपछि मलाई जिम्मा दिएको हो, मैले विद्यालयका शिक्षकसँग सरसल्लाह गरेर समन्वय गर्ने काममा सहजीकरण गरिरहेको छु”, श्रेष्ठले भन्नुभयो । उहाँले शिक्षकलाई तलब खुवाउने र अरु कामचलाउ मात्रै काम गरिरहेको बताउनुभयो । “अब म एक जनाले प्रशासन हेर्ने कि, योजना बनाउने कि के काम मात्रै हेर्ने रु मैले कसरी भ्याउने रु”, उहाँले भन्नुभयो । कर्मचारी अभावकै कारण गाउँपालिकास्तरीय परीक्षा सञ्चालन गर्न अरु गालिकाको भर पनुपर्ने अवस्था छ । गाउँपालिका अध्यक्ष कृष्ण खुलालले भने आकस्मिकरूपमा परीक्षा सञ्चालन गर्नुपर्ने भएकाले समस्या भएको हुनसक्ने बताउनुभयो । “गाउँ शिक्षा समितिको संयोजक आफैँ हुँ, मैले बैठक राखेर नै परीक्षाका काम सबै गर्नु भनेर जिम्मा दिएको हुँ”, उहाँले भन्नुभयो, “प्रश्नपत्र बनाउने समय नभएर अरु पालिकाबाट ल्याएर गरेको हुनसक्छ ।”

गाउँपालिकामा शिक्षा शाखा हेर्ने कर्मचारी नभएका कारण शिक्षा शाखाको समेत जिम्मा अधिकृत श्रेष्ठलाई जिम्मा दिएर काम गर्दै आइरहेको अध्यक्ष खुलालले भन्नुभयो । तेत्तीस जनाको दरबन्दी भएको गाउँपालिकामा अहिले प्रमुख प्रशासकीय अधिकृतलगायत वडासचिव र करारका चार गरी जम्मा ११ कर्मचारी रहेको गाउँपालिका अध्यक्ष कृष्णबहादुर खुलालले बताउनुभयो । गाउँपालिकामा प्राथमिक, आधारभूत र माध्यमिक तह गरी ३८ विद्यालय छन् । रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार