Logo

धुलिखेल नगरपालिकामा वडाले नै उत्पादन गर्यो मास्क, ४ सय विद्यार्थीलाई वितरण



धुलिखेल, २७ फागुनः बजारमा मास्कको हाहाकार भइरहेको बेला धुलिखेल नगरपालिकाको वडा नम्बर १० ले भने आफैले उत्पादन गरेर बालबालिकालाई वितरण गरेको छ । वडा कार्यालयले आफैले उत्पादन गरेको मास्क वडाभित्रका ४ सय विद्यार्थीलाई मंगलबार वितरण गरेको वडाध्यक्ष पुष्पराज राउतले जानकारी दिए ।

वडामा रहेको कालिका माध्यमिक विद्यालय र बालज्योती आधारभुत विद्यालयका ४ सय बालबालिकालाई मास्क वितरण गरिएको हो । कपडा किनेर स्थानीय स्तरमै मास्क बनाइएको वडाध्यक्ष राउतले बताए । ‘अहिले बजारमा मास्कको चरम अभाव सिर्जना गरिएको छ, पैसा हुनेले त महँगो नै भएपनि किनेर लगाउँलान्, उनले भने ‘गाउँघरसम्म सर्जिकल मास्क पुग्न निकै मुस्किल छ, त्यसैलाई मध्यनजर राखेर हामी आफैले मास्क उत्पादन गरेर बालबालिकालाई वितरण गरेको हौँ ।’

उनका अनुसार यो अभियान प्रभाविकारी भए बृद्धाबृद्धहरुलाई पनि स्थानीय स्तरमै उत्पादन गरेर मास्क वितरण गरिनेछ । वडामा करिब २ हजार ३ सय जनसंख्या रहेको छ । ‘यो सर्जिकल मास्क त होइन्, तर धुलो, धुवाँ छेक्न मद्दत पर्छ, वडाध्यक्ष राउतले भने ‘यो अभियान प्रभावकारी भए मास्क उत्पादन गरेर वडाका सबैलाई वितरण गर्छौँ ।’

वडा बालबालिकालाई ४ सय वटा हातधुने साबुन पनि वितरण गरेको छ । यो वडा बालमैत्री वडा समेत हो । ‘हामीले बालबालिकालाई हातधुने साबुन पनि वितरण गरेका छौँ, यो विपद्को समय हो, बजारमा भएको हाहाकार टार्न वडा आफैले मास्क उत्पादन गरेका हौँ ।’

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार