Logo

सिंजालीको सम्मानमा नेकपाको श्रद्धाञ्जली सभा



रोशी–१२ काभ्रे २० फागुन : काभ्रेको रोशी गाउँपालिका वडा नं. १२ का जननिर्वाचित वडा सदस्य स्वर्गीय विनोद कुमार सिंजाली मगरको सम्मानमा आज श्रद्धाञ्जजलीसभाको आयोजना गरिएको छ । नेपाल कम्युनिस्ट पार्टी रोशी गाउँपालिका १२ नं. वडा कमिटी परिवारको आयोजनामा श्रद्धाञ्जली सभा सम्पन्न भएको हो ।

श्रद्धाञ्जली सभामा नेपाल कम्युनिस्ट पार्टी बागमति प्रदेश सदस्य, सूर्यमान दोङ, संघीय प्रतिनिधि सभाका सांसद गंगाबहादुर दोङ, नेकपा काभ्रे जिल्ला सदस्यहरु दिलिप तामाङ, दैवलाल घिसिङ, सिता ढकाल, उज्वल लामा, रोशी गाउँपालिका वडा नं. १२ का अध्यक्ष रामबहादुर मोक्तानको सहभागिता रहेको थियो । शोकसभामा रोशीका नेता मिन्टु लामा, महाभारत गाउँपालिकाका नेता राजकुमार कुँवर, रोशीकी नेतृ वविता बोहोरा, चन्द्रमाया तामाङ, तीर्थबहादुर भौम्जन, उत्तम भूजेल, विद्यालय व्यवस्थापन समिति अध्यक्ष चन्द्रकुमार स्याङ्तान, पूर्व विद्यालय व्यवस्थापन समिति अध्यक्ष बाबुलाल मुक्तान, ज्ञानबहादुर स्याङ्तान, कुलध्वज, पूर्व प्र.अ. तिलक रायमाझी, शिक्षक धु्रव रायमाझी समाजसेवी देवबहादुर रायमाझी लगायत स्थानीयको सहभागीता भएको सभामा सिंजालीको सम्मानमा नेकपाको आधा झण्डा झुकाइएको थियो ।

वडा सदस्य तथा नेकप रोशी वडा नं. १२ का नेता शुकलाल दोङको सभापतित्वमा सिजालीको घरआँगनमा भएको श्रद्धाञ्जलीसभामा सूर्यमान दोङ लालध्वजले स्वर्गीय सिजालीले गर्न बाँकी रहेका जनताका सबै कामहरु नेपाल कम्युनिस्ट पार्टीले पूरा गर्ने प्रतिवद्धता जनाउँदै स्थानीय वडाबासीमा गहिरो समवेदना व्यक्त गरेका थिए । शोकसभामा अन्य अतिथीहरु, जनप्रतिनिधि, स्थानीय समाजसेवी, शिक्षक तथा स्थानीयबासीहरुद्वारा स्वर्गीय सिंजालीप्रति श्रद्धा व्यक्त गरिएको थियो ।

सिंजालीको गत फागुन ९ गते शुक्रबारका दिन रोशी गाउँपालिका वडा नं. १२ को केराबारीबाट मगर संघ बागमति प्रदेशको प्रशिक्षण कार्यक्रमा सहभागी हुन आउने क्रममा अचानक हृदयघात भई निधन भएको थियो । सिंजालीले आफ्नो जीवनको उर्वर समयलाई शिक्षा क्षेत्रको सेवामा समर्पि्रत गरेका थिए । वडाको विन्धबासिनी आधारभूत विद्यालय केराबारीको प्रधानाध्यापकबाट निवृत्त हुनु भएपछि पछिल्लो समय जनताको सेवामा आफूले आर्जन गरेको अनुभव समेत उपयोग गर्दै गाउँको विकास निर्माणका काममा दत्तचित्त भएर लागेका थिए । उनी काभ्रेको रोशी गाउँपालिका वडा नं. १२ मा तत्कालिन एनेकपा (माओवादी) बाट लोकप्रिय मत प्राप्त गर्दै निर्वाचित भएका रोशी गाउँपालिकाका जनप्रिय गाउँसभा सदस्य हुन् ।

गाउँपालिका परिवारले स्वर्गीय बिनोद कुमार सिंजाली मगरको असामयिक निधनमा दुःख ब्यक्त गर्दै उनको सम्मानमा यसअघि नै शोकसभा सम्पन्न गरिसकेको छ । गाउँपालिकाद्वारा गाउँसभा सदस्य भएर पु¥याउनु भएको योगदानको उच्च सम्मान गर्दै गत फागुन १२ गते सोमबार एकदिन सार्वजनिक विदा दिएको थियो । स्वर्गीय विनोद कुमार सिंजाली मगरले सेवा गरेको वडा कार्यालयले पनि रोशी गाउँपालिकाको वडा नं. १२ मा १९ र २० फागुनमा २ दिन सार्वजनिक विदाको दिएको थियो । सिजालीका २ छोरा र छोरीहरु छन् ।

प्रतिक्रिया दिनुहोस्

तेमालका दलित छात्रछात्रालाई छात्रबृत्ति

धुलिखेल, २७ असार, काभ्रेको तेमाल गाउँपालिकाले पालिकाभित्रका दलित छात्रछात्राहरुलाई छात्रबृद्धि वितरण गरेको छ । पालिकाले

धुलिखेल नगरपालिकाले भन्यो ‘स्नातक तह पढ्ने विद्यार्थीलाई कुनै शुल्क लाग्दैन’

धुलिखेल, १९ असारः काभ्रेको धुलिखेल नगरपालिकाले धुलिखेल क्याम्पस र सञ्जिवनी नमुना क्याम्पसमा स्नातक तहमा पढ्ने

शिक्षामा मण्डनदेउपुर नगरपालिकाको लोभलाग्दो कार्यक्रम

धुलिखेल, ११ असारः काभ्रे जिल्लाको कान्छो नगरपालिका मण्डनदेउपुरले शिक्षा क्षेत्रमा आगामी बर्ष पनि लोभलाग्दो कार्यक्रम

सरकारले वर्ष एसईई परीक्षा नलिने निर्णय गर्यो

काठमाडौं २८ जेठ : सरकारले यस वर्षको माध्यमिक शिक्षा परीक्षा (एसईई) नलिने भएको छ ।

सिन्धुपाल्चोकको बुद्धोदय माविमा कम्प्युटर इन्जिनियरिङ विषयको पठनपाठन हुने

धुलिखेल, २७ जेठः सिन्धुपाल्चोक जिल्लाको लिसंखु पाखर गाउँपालिका वडा नम्बर २ मा रहेको बुद्धोदय माध्यामिक

धुलिखेल नगरपालिकाले थाल्यो विद्यार्थीको वर्गीकरण गर्न

धुलिखेल, २३ जेठः धुलिखेल नगरपालिकाले विद्यार्थीको पहिचान तथा वर्गीकरण सुरु गरेको छ । वैकल्पिक प्रणालीबाट

error: Content is protected !!