धुलिखेल, २० फागुनः काभ्रेको चौरीदेउराली गाउँपालिकामा भएको अध्यक्ष गोल्ड कप फुटबल प्रतियोगीताको उपाधी वडा नम्बर २ नाग्रेगगर्चेले जितेको छ । वडा नम्बर ५ जागृति माध्यमिक विद्यालयको प्राङ्गणमा मंगलबार सकिएको फाईनल खेलमा वडा नम्बर ३ माझीफेदालाई ४–० गोलले हराउदै वडा नम्बर २ ले उपाधि जितेको हो ।
प्रतियोगीतामा पहिलो हुदै वडा नम्बर २ नाग्रेगगर्चेले ५० हजार नगद, ट्रफि, प्रमाण पत्र र मेडल पाएको छ । दोस्रो भएको वडा नम्बर ३ माझीफेदाले २५ हजार र तेस्रो भएको वडा नम्बर ७ मादनकुडारीले १० हजार नगद पुरस्कार पाएको छ ।
अध्यक्ष गोल्ड कप फुटबल प्रतियोगीताको समापन कार्यक्रममा बाग्मती प्रदेशका उपसभामुख राधिका तामाङ,प्रदेश सभा सांसद रत्न ढकाल,जिल्ला खेलकुद बिकास परिषद् काभ्रेका अध्यक्ष मान बिर लामा,गाउँपालिकाका अध्यक्ष दिनानाथ गौतम लगायत सहभागी भएका थिए ।
यसैबिच,पालिकामा मंगलबारबाट राष्ट्रपति रनिङ शिल्ड प्रतियोगीता सुरु भएको छ । बिभिन्न बिधाका खेलहरुमा नौ वटै वडाका विद्यालयहरु सहभागी हुने गाउँपालिकाका प्रवक्ता बिनोद घिसिङले जानकारी दिए ।
प्रतिक्रिया