Logo

जनप्रिय नेता सिंजालीको सम्मानमा श्रद्धाञ्जली सभा



घैयाबारी, रोशी–१८, फागुन : काभ्रेको रोशी गाउँपालिका वडा नं. १२ का जननिर्वाचित वडा सदस्य स्वर्गीय विनोद कुमार सिंजाली मगरको सम्मानमा आज वडाका सहकर्मीहरुले श्रद्धाञ्जली सभाको आयोजना गरेका छन् । उनको सम्मानमा आधा झण्डा झुकाइएको छ ।

वडाअध्यक्ष रामबहादुर मोक्तानको अध्यक्षतामा वडा कार्यालय प्राङ्गणमा भएको श्रद्धाञ्जलीसभामा जनप्रतिनिधि, स्थानीय समाजसेवी, शिक्षक तथा स्थानीयबासीहरुले स्वर्गीय सिंजालीप्रति श्रद्धा व्यक्त गरेका थिए । श्रद्धाञ्जली सभामा नेपाल कम्युनिस्ट पार्टीको तर्फबाट तीर्थ भौम्जन ‘हेमन्त’ र नेपाली कांग्रेसको तर्फबाट विलम मोक्तानले शब्दद्वारा श्रद्धाञ्जली व्यक्त गरे.का थिए ।

कार्यक्रममा शिक्षकहरु तिलक रायमाझी र प्रदिप मुक्तानले स्वर्गीय सिंजालीको योगदानको चर्चा गर्दै श्रद्धा व्यक्त गरे भने स्थानीय समाजसेवी जीतबहादुर पुलामीले पनि श्रद्धाञ्जली व्यक्त गरेका थिए । सिंजालीको गत फागुन ९ गते शुक्रबारका दिन रोशी गाउँपालिका वडा नं. १२ को केराबारीबाट मगर संघ बागमति प्रदेशको प्रशिक्षण कार्यक्रमा सहभागी हुन आउने क्रममा अचानक हृदयघात भई निधन भएको थियो ।

स्वर्गीय सिंजालीले आफ्नो जीवनको उर्वर समयलाई शिक्षा क्षेत्रको सेवामा समर्पि्रत गरेका थिए । वडाको विन्धबासिनी आधारभूत विद्यालय केराबारीको प्रधानाध्यापकबाट निवृत्त हुनु भएका सिंजाली पछिल्लो समय जनताको सेवामा आफूले आर्जन गरेको अनुभव समेत उपयोग गर्दै गाउँको विकास निर्माणका काममा दत्तचित्त भएर लागेका थिए । उनी काभ्रेको रोशी गाउँपालिका वडा नं. १२ मा तत्कालिन एनेकपा (माओवादी) बाट लोकप्रिय मत प्राप्त गर्दै निर्वाचित भएका रोशी गाउँपालिकाका जनप्रिय गाउँसभा सदस्य थिए ।

गाउँपालिका परिवारले स्वर्गीय बिनोद कुमार सिंजाली मगरको असामयिक निधनमा दुःख ब्यक्त गर्दै उनको सम्मानमा यसअघि नै शोकसभा सम्पन्न गरिसकेको छ । गाउँपालिकाद्वारा गाउँसभा सदस्य भएर पु¥याउनु भएको योगदानको उच्च सम्मान गर्दै गत फागुन १२ गते सोमबार एकदिन सार्वजनिक विदा दिएको थियो । स्वर्गीय विनोद कुमार सिंजाली मगरले सेवा गरेको वडा कार्यालयले रोशी गाउँपालिकाको वडा नं. १२ मा भोली र पर्सी २ दिन सार्वजनिक विदाको घोषणा गरेको छ ।

श्रद्धाञ्जली सभामा शुकलाल दोङ, महिला सदस्य मुना घिमिरे मैनाली, दलित सदस्य शोभा वि.क. जनप्रतिनिधीहरु लगायत स्थानीय अभियान भूजेल, वडा सचिव पुञ्जलाल श्रेष्ठको सहभागिता रहेको थियो ।

प्रतिक्रिया दिनुहोस्
शिक्षा

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार