धुलिखेल, १३ फागनुः धुलिखेल नगरपालिकाले मानब बेचबिखन तथा ओसारपसार बिरुद्ध सरोकारवाला ब्यक्तिबीच छलफल गरेको छ । अन्र्तक्रिया मंगलबार नगरपालिकाको सभाहलमा भएको हो । कार्यक्रममा प्रहरी, विभिन्न वडाका वडाध्यक्ष, मानव बेचबिखन तथा ओसारपसार बिरुद्ध काम गरिहेका नागरिक समाजका प्रतिनिधि सहभागि भएका थिए ।
कार्यक्रममा बोल्दै उपप्रमुख बिमला शार्माले मानब बेचबिखन तथा ओसारपसारको कार्य रोक्न सबैको साथ अपरिहार्य रहेको बताइन । उनले मानव बेचविखन तथा ओसारपसारको रुप फेरिएको भन्दै सचेत सहनसमेत आग्रह गरिन् ।
छलफलमा अधिवक्ता गणेश दाहालले मानव बेचबिखन तथा ओसार पसार सम्बन्धी कानूनी ब्यवस्थाका बारे जानकारी गराएका थिए । त्यस्तै जिल्ला प्रहरी कार्यालय धुलिखेलले जिल्लामा मानव बेचबिखनको अवस्था र रोकथामका उपायका बारे सरोकारवालाहरुलाई जानकारी गराएको थियो ।
कार्यक्रममा जिल्ला समन्वय समिति काभ्रेका प्रमुख उद्धव केसी, प्रमुख जिल्ला अधिकारी श्रवणकुमार तिमिल्सिना लगायतले पनि मानव बेचबिखन तथा ओसार पसारका विभिन्न आयामका बारे धारणा राखेका थिए ।
प्रतिक्रिया