Logo

काङ्ग्रेसलाई नआत्तिन सांसद बस्नेतको सुझाव



धुलिखेल, १० फागुनः नेकपाका नेता महेश बस्नेतले नेपाली काँग्रेसलाई नआत्तिन आग्रह गरेका छन् । शनिबार काभ्रेको नमोबुद्ध नगरपालिका वडा नम्बर ९ मा ग्याल्बो ल्होछार कार्यक्रममा सहभागि हुन पुगेका उनले मुलुक समृद्ध बन्ने बाटोमा अघि बढेको भन्दै नआत्तिइ सहयोग गर्न काँग्रेसलाई आग्रह गरे । ‘मुलुकले काँचुली फेर्दै गर्दा सबैको साथ सहयोग पक्कै पनि आवश्यक पर्छ, यसमा प्रमुख प्रतिपक्ष दलको पनि मुख्य दायित्व हो, उनले भने तर अहिले काँग्रेस आत्तिएको छ, आत्तिनु पर्दैन्, मुलुकले सहि गति लिइसक्यो ।’

नेता बस्नेतले आफ्नो समर्थक र शुभेच्छुकलाई कुनै पनि घटनाबाट विचलित नहुन पनि अनुरोध गरे । ‘राजनीति गर्ने ब्यक्तिलाई बदनाम गराउने उद्देश्यले केहि घटना बेला बेला बाहिर आइरहन्छन्, यसलाई आधार मानेर कहिल्यै विचलित नहुनोस्, उनले भने ‘यो विकास र समृद्धिको अभियानमा हामी सबै जोडिनुपर्छ, सबैको एकताबद्धले मात्रै मुलुक फेरिने हो ।’

नेता बस्नेतले एमसिसि परिमार्जन सहित पारित हुने दाबी गरे । ‘यसका केहि बुँदाहरु हेरफेर हुन्छन्, यो कसैले विरोध गर्दैमा रोकिने भन्ने छैन, उनले भने विरोधका लागि विरोध गर्नुको कुनै औचित्य छैन, मुलुकको हितका लागि कोहि कसै काम गर्छु भनेर आउँछ भने दिनुपर्छ ।’

कार्यक्रममा पूर्व उर्जाराज्यमन्त्री सूर्यामान दोङले भ्रष्टचारमुक्त समाजको परिकल्पनाका साथ नेकपा अघि बढेको भन्दै, कम्युनिष्ट पार्टीलाई बदनाम गराउन विभिन्न तत्व सक्रिय रहेको बताए । ‘हामीलाई राम्रोसँग थाहा छ, देशमा परिवर्तन ल्याउने भनेकै कम्युनिष्ट पार्टीले हो, कम्युनिष्टको लोकप्रियता घटाउन अनेक प्रपञ्च रचिएको छ, उनले भने ‘ढुक्क हुनोस् मुलुकले फड्को मारेरै छोड्छ ।’

कार्यक्रममा बागमती प्रदेश सांसद चन्द्र लामाले संस्कृतिलाई विस्कृतिका रुपमा ब्याख्या गर्न नहुने बताए । उनले संस्कृतिलाई गलत ढंगबाट विश्लेषण गर्दा बाह्य हस्तक्षेप बढ्ने भन्दै संस्कृति जोगाउन आ–आफ्नो क्षेत्रबाट सबैले काम गर्नुपर्नेमा जोड दिए ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार