Logo

पनौती नगरपालिकाले भन्योः सहकारीको दोहोरो सदस्यता त्याग्नुस्



धुलिखेल १० फागुनः काभ्रेको पनौती नगरपालिकाले एकभन्दा बढी सहकारीको सदस्यता नलिन सबैलाई आग्रह गरेको छ । नगरस्तरीय सहकारी विकास समितिले एकै प्रकृतिको एकभन्दा बढी सहकारीको सदस्य नलिन नगरबासीलाई आग्रह गरेको हो । समितिले नगरपालिकाको सहकारी ऐन २०७४ को उपदफा (१) बमोजिम निर्णय गरेको बरिष्ठ प्रशासकिय अधिकृत इन्द्रप्रसाद अधिकारीले जानकारी दिए । सहकारी ऐन २०७४ जारी गरिसकेको नगरपालिकाले सहकारी सञ्चालनका लागि नीति समेत बनाइरहेको छ ।

समितिले आगामी २०७७ साल असोज मसान्तसम्मको समय सिमा तोकेर नगरपालिकाभित्र क्रियाशिल एकै प्रकृतिका सहकारीमा दोहोरो सदस्यता भए कुनै एउटामा मात्रै सदस्य बन्न भनेको हो । समितिले सहकारी सञ्चालकलाई पनि दोहोरो सदस्यता बनाउन निर्देशन दिएको छ ।

नगरपालिकाभित्र दुईसयका हाराहारिमा विभिन्न विषयगत सहकारी संस्था सञ्चालनमा रहेको नगरस्तरीय सहकारी विकास समितिका संयोजक इश्वर जंगमले बताए । ‘यो राज्यकै नीति अनुसार एकै प्रकृतिको सहकारीमा दोहोरो सदस्यता नहोस भन्नका लागि हामीले यो निर्देशन जारी गरेका हौँ, उनले भने ‘एक भन्दा बढी सहकारीको सदस्यता लिन नपाउने होइन की एउटै प्रकृतिका सहकारीमा चाँहि दोहोरो सदस्यता रहनु भएन्, बहुउद्देश्यीय, बचत तथा ऋण, कृषि सहकारीमा बस्न पायो, तर एकभन्दा बढी कृषि, बचत तथा ऋण र बहुउद्देश्यीयमा चाँहि बस्न पादैँन ।’

पनौतीमा देशभरकै उत्कृष्ट सहकारी समेत रहेको छ । सबै सहकारीहरुको एकरुपताका लागि यो निर्णय गरिएको समिति संयोजक जंगमले बताए । ‘राष्ट्रिय तथा अन्तर्राष्ट्रिय पुरस्कारबाट सम्मानित सहकारीहरु हाम्रै पनौतीभित्र छन्, यो हाम्रो गौरबको कुरा हो, उनले भने ‘नगरभित्रका सहकारी सुशासन युक्त बनाउनका लागि पनि यसो गर्न जरुरी छ ।’

नगरपालिकाले सहकारीको सूचिकृतका लागि आह्वान समेत गरेको छ । अहिले धमाधम सूतिकृतका लागि सहकारीहरु आइरहेको संयोजक जंगमले बताए ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार