Logo

पाँचखाल नगरपालिकाको एक वडा, एक पोखरी बनाउने योजना नीति तथा कार्यक्रममै सीमित



काभ्रेको पाँचखाल नगरपालिकाका मेयर महेश खरेलले आर्थिक वर्ष ७५/७६ को नीति तथा कार्यक्रममा एक वडा, एक पोखरी बनाउने घोषणा गरेका थिए । तर आर्थिक ७६/७७ को ७ महिना सकिन लाग्दा समेत नगरपालिकाले बजेट विनियोजन गरेर पोखरी खनेको छैन ।

नगरप्रमुख खरेलले वातावरण तथा विपद् ब्यवस्थापन शीर्षकको पहिलो नम्बरमै पोखरी निर्माण गर्न बजेट ब्यवस्था गरिने उल्लेख छ । उपप्रमुखको बजेट वक्तब्य मार्फत पनि वन वातावरण तथा विपद् ब्यवस्थापनमा ७७ लाख ७५ हजार अर्थात कुल बजेटको ३ दशमलब २७ प्रतिशत रकम विनियोजन गरिएको छ । तर त्यो रकम पोखरी बनाउनका लागि नभएको नगरपालिकाका प्रवक्ता सञ्जय तामाङले बताए । प्रवक्ता तामाङका अनुसार सिप्रेड नामक गैरसरकारी संस्थाले पोखरी निर्माण गर्ने ठाउँको सबै वडामा सर्बे भने गतवर्ष नै सकाइसकेको छ । ‘नीति तथा कार्यक्रममा आर्थिक वर्ष ७५/७६ भित्रै सबै वडामा एक/एक ओटा पोखरी निर्माण गर्ने योजना सार्वजनिक गरिएको हो, निर्माणका लागि बजेट भने विनियोजन गरिन, प्रवक्ता तामाङले भने ‘तर सबै वडामा निर्माण हुने पोखरीको सर्बेक्षण भने भइसकेको छ, यो वर्षबाट निर्माण सुरु हुन्छ ।’

वडा नम्बर २ का वडाध्यक्ष हरिराम खतिवडाले पनि अहिलेसम्म पोखरी खन्नका लागि बजेट नआएको बताए । उनले वडाबाटै बजेट विनियोजन गरेर पोखरी निर्माण गरिएको तर नगरपालिकाबाट पोखरी निर्माण शीर्षकमा रकम नआएको बताए । ‘वडाकै बजेटबाट एक ओटा नयाँ निर्माण गरियो, ३ वटा पुरानो खोपरी मर्मत गरिएको छ, उनले भने ‘तर नगरपालिकाको नीति तथा कार्यक्रम अनुसार काम भएको छैन् ।’

प्रमुख खरेलले नीति तथा कार्यक्रममा चार वर्षभित्र एक सय आठ पोखरीको निर्माण सम्पन्न गर्ने उल्लेख गर्नुभएको छ । पाँचखालमा पानीको मुल दिनप्रति दिन सुक्दै जादाँ स्थानीय चिन्तित छन् । झिगु खोलामा पोखरी बनाएर सिँचाई गर्ने किसानको लस्किर छ तर झिगु खोलामा बग्ने पानीको स्रोत जोगाउन भने नगरपालिकाले कुनै ध्यान नदिएको स्थानीयले गुनासो गरेका छन् ।

साविकका पोखरीको ठाउँमा कतै खेल मैदान, कतै विद्यालय त कतै मन्दिर बनेका छन् । धेरै वडामा पोखरी निर्माणका लागि जग्गा समेत अभाव भएको पाइएको छ । जमिनमा ओसिलो पनको मात्रा नभएपछि मुल पनि सुक्छ । जमिनमा पानी रिजार्च गर्ने उद्देश्यले मेयर खरेलले नीति तथा कार्यक्रममा ब्यवस्था गरे । तर ब्यवहारमा उतार्न सकेनन । जसका कारण पिउनु पानी समेत किन्नुपर्ने अवस्था छ ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार