Logo

सिन्धुपाल्चोकमा वडा सदस्यले कुटे वडाध्यक्ष



धुलिखेल, २१ माघः सिन्धुपाल्चोकको जुगल गाउँपालिका वडा नम्बर ५ का अध्यक्ष सनत अधिकारी माथि आक्रमण भएको छ । वडा सदस्य यन्द बहादुर मगर नेतृत्वको टोलीको कुटाइबाट अध्यक्ष सनत अधिकारी, रत्नराज्य माध्यामिक विद्यालयका शिक्षक पुष्पराज तिमिल्सिना, अभिभावकहरु हरिराम पौडेल र महेश्वर अधिकारी घाइते भएका छन् । पालिकाका प्रशासकीय अधिकृत लोक बहादुर विश्वकर्माले सोमबार साझँ वडाध्यक्ष माथि आक्रमण भएको पुष्टि गरे । तर कसले किन आक्रमण गरेको हो भन्ने आफुलाई थाहा नभएको बताए ।
चनौटे बजारमा रहेको रत्नराज्य माध्यमिक विद्यालयको सोमबार ५७ औँ बार्षिक उत्सव कार्यक्रम थियो । कार्यक्रम सकिएपछि आक्रमण भएको प्रधानाध्यापक छन्द प्रसाद काफ्लेले बताए ।
प्रधानाध्यापक काफ्लेले घटनाको विवरण यसरी सुनाएः
सोमबार विद्यालयको ५७ औँ बार्षिक उत्सव कार्यक्रम थियो । साझँ ६ बजेतिर कार्यक्रम सकियो । कार्यक्रममा आएका अतिथि, अभिभावक, विद्यार्थीहरु घरतिर हिडे । वडाध्यक्ष सहित केहि अभिभावक र शिक्षक बसेर कार्यक्रममा प्रयोग भएको सरसामग्री थन्क्याउन थाल्यौ । दिनभर कामको ब्यस्तताले खाजा पनि खाएका थिएनौँ ।

सामान थन्क्याइसकेपछि अध्यक्ष ज्यूसँगै हामी पनि खाजा खान विद्यालयको क्यान्टिनमा गयौ । झण्डौ साढे ७ बजेको थियो होला । त्यहि बेला गाउँका १०/१२ जना युवाहरुको एउटा समूह विद्यालयको क्यान्टिनमा छिर्यो । छिर्ना साथै ढोका र टेबल ठाटाउन थाल्यो । विद्यालय समय भनेको १० देखि ४ बजेसम्म मात्रै हो, यत्तिबेलासम्म कुन नियतले बसेको, तिमीहरुको अड्डा जमाउने ठाउँ होइन भन्दै त्यो समूह हामी माथि जाईलाग्यो ।

हामी दिनभर काममा ब्यस्ता भएकाले अहिले खाजा खान लागेको हो, हाम्रो कुनै नराम्रो नियत छैन भनेपछि उनीहरुले आक्रमण सुरु गरे । टेबल उठाएर अध्यक्षको टाउकोमा हाने । वडासदस्य यन्द बहादुर मगर पनि त्यहि समूहमा मिसिएर आउनुभएको थियो । उहाँ आफैपनि आक्रमण गर्न सहभागि बन्नु भयो । आक्रमणबाट विद्यालय ब्यवस्थापन समितिका अध्यक्ष समेत रहनुभएका वडाध्यक्ष रनत अधिकारी, शिक्षक पुष्पराज तिमिल्सिना घाइते हुनुभयो । झगडा छुट्याउनु आनुभएका अभिभावक हरिराम पौडेल र महेश्वर अधिकारी पनि घाइते हुनुभएको छ । वडाध्यक्ष अधिकारीको मध्यपुर थिमी अस्पतालमा उपचार भइरहेको छ । टाउकोमा चोट लागेको छ । हामीलाई आक्रणम गर्नुअघि त्यो समूहले गाउँमा बिजुली बत्तिको लाइन समेत काटेको थियो ।

घाइते वडाध्यक्ष अधिकारी नेपाली काङ्ग्रेसबाट निर्वाचित वडा अध्यक्ष हुन भने यन्द बहादुर तत्कालीन माओवादीबाट निर्वाचित वडा सदस्य हुन । आक्रमणमा संलग्न यन्द बहादुर बाहेक ६ जनालाइ पक्राउ गरेको जिल्ला प्रहरी कार्यालय सिन्धुपाल्चोकका डिएसपी माधव काप्लेले जानकारी दिए ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार