धुलिखेल, २० माघ: काभ्रेको पाँचखालमा चितुवाको आक्रमणबाट १४ जना स्थानीय घाइते भएका छन् । चितुवाले पाँचखाल नगरपालिका वडा नम्बर ६ जैसिदी एकताबस्तीमा गएको शनिबारदेखि आक्रमण सुरु गरेको थियो । शनिबार चितुवाको आक्रमणबाट सरस्वती कायस्थ घाइते भएकी थिएन । आइतबार सोहि चितुवाको आक्रमणमा परी सनक बहादुर वि.क घाइते भएको र उनको शिक्षण अस्पताल महाराजगञ्जमा उपचार भइरहेको वडाध्यक्ष रामशरण दुलालले जानकारी दिए ।
चितुवाको आक्रणममा परी भिम कुमारी सत्याल, बैकुण्ठ कायस्थ, अर्जुन श्रेष्ठ, कृष्ण वहादुर श्रेष्ठ, लक्ष्मी श्रेष्ठ, सरस्वती कायस्थ, सनक वहादुर वि.क लगायत रहेका छन् ।
वडाध्यक्ष दुलालका अनुसार सोमबार (आज) बिहान उक्त चितुवाको आक्रमणमा परी १२ जना घाइते भएका छन् । घाइते १४ जना मध्ये दुई जना बाहेक अन्यको अवस्था सामान्य रहेको उनले बताए । आक्रमण गर्ने चितुवा निन्त्रणका लागि प्रहरीलाई खबर गर्दा पनि नगएपछि आफैले नियन्त्रण गर्न खोज्दा चितुवा मरेको स्थानीयले बताएका छन् । मरेको चितुवा प्रहरीको रोहबरमा जिल्ला वन कार्यालयलाई बुझाइएको वडाध्यक्ष दुलालले बताए ।
प्रतिक्रिया