Logo

काभ्रे प्रदेशको स्थायी राजधानी नहुने पक्का



धुलिखेल, २६ पुस : प्रदेश नम्बर ३ को स्थायी राजधानी काभ्रे नहुने पक्का भएको छ । नेकपाको केन्द्रिय सचिवालय निर्देशनलाई प्रदेश संसदीय दलको बैठकले अनुमोदन गरेपछि काभ्रे प्रदेशको राजधानी नहुने पक्का भएको हो ।

संसदीय दलको बैठकमा सांसदहरुले फरक मत राखेपनि स्थायी राजधानी र नामका बारे सदनमा नेकपाका सांसदहरुले फरक प्रस्ताव दर्ता गर्न पाउने छैनन ।

काभ्रेका प्रदेश सांसद बसुन्धरा हुमागाईले काभ्रे प्रदेशको राजधानी नहुने पक्का भएको बताए । उनले आफुहरुको तर्फबाट चाल्नुपर्ने जति कदम चालिएको तर परिणाम भने उल्टिो निस्किएको बताए । ‘हामीले गर्न सक्ने जति सबै गरेकै हो, उनले भने ‘तर परिणाम हाम्रो पक्षमा आउन सकेन ।’

सासंद हुमाँगाईले थुप्रै आन्तरिक कारणले काभ्रे प्रदेशको स्थायी राजधानी हुन नसकेको बताए । तर उनले ती आन्तरिक कारण भने खुलाउन चाहेनन । ‘हामीले चुनावमा मतदातासँग गरेको वाचा पुरा गर्ने भरमदुर पहल गर्यौ, उनले भने ‘तर पार्टीको ह्वीप नमानेर जानै सकिएन ।’

यसैबीच विवेकशील पार्टीले काभ्रेको धुलिखेललाई प्रदेश ३ को राजधानी बनाउन प्रस्ताव गरेको छ । उसले आफ्नो प्रस्ताव आज प्रदेशसभा सचिवालयमा दर्ता गराएको हो । प्रदेश ३ को नाम ‘वागमती’मा सहमत हुँदै राजधानी धुलिखेल हुनुपर्ने प्रस्ताव दर्ता गराएको प्रस्तावक रमेश पौडेलले बताए ।

सांसद पौडेलको यो प्रस्तावमा बिराजभक्त श्रेष्ठ र शोभा शाक्य समर्थक छन । प्रदेश ३ मा विवेकशीलका तीन सांसद छन् । संसदमा प्रतिनिधित्व गरेका नेकपा, नेपाली कांग्रेस, राप्रपा र राप्रपा संयुक्तले पनि आजै राजधानी हेटौंडा र नाम वागमतीमा सहमती जनाएर संयुक्तरूपमा प्रस्ताव दर्ता गराएका छन् ।

संसदमा दर्ता भएको प्रदेशको नामांकरण प्रस्तावका समर्थकहरुले आफ्नो भनाई राखेका थिए । प्रस्ताव माथिको छलफल समेत सुरु भएको छ । स्थायी राजधानी र नामाकरण टुंग्याउन भोली मतदान हुने छ । प्रदेशसभाको दुई तिहाइ बहुमतले नाम र राजधानी टुंगो लगाउनुपर्छ । सभामुख सानु कुमार श्रेष्ठले संसद बैठक भोली विहान ९ बजेसम्मका लागि स्थगित भएको जानकारी दिए ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार