Logo

भैसीको पाडी लिएर पनौती नगरपालिकाका मेयर आफै पुगे किसानको गोठमा



धुलिखेल, १२ पुसः पाडीको गलामा बाँधिएको दाम्लोको टुप्पोपट्टीको भाग समाउँदै किसानको हातमा थमाएर मेयरले केहि बन्न खोज्दै थिए । अतिथी र दर्शक दीर्घबाट ताली गुञ्जियो । एकैछिन मेयर रोकिए अनि भने ‘माया गरेर पाल्नु है । राम्रो स्याहार, सुसार गर्नोस ।’

बिहीबार काभ्रेको पनौती नगरपालिका वडा नम्बर १ पर्खालचौरको दृश्य अलिक फरक थियो । दर्शक दीर्घमा बसेका धेरैको हातमा दाम्लो थियो । घरमा नयाँ पाडी राख्ने गोठ बनाएर रयालेका किसानहरु पर्खालचौर झरेका थिए । किसानको मुहारको भाव हेर्दा लाग्थ्यो, घरमा नयाँ बुहारी भित्र्याउन लागे जस्तो ।

पाडीका लागि छनौटमा परेका किसानलाई पाडीको महत्व बताउँदै र सुत्केरी भत्ता पुर्याउन गोठमै पुग्ने गरेका पनौती नगरपालिकाका मेयर भिम प्रसाद न्यौपानेले पाडी पनि आफ्नै हातले वितरण गरे । किसानलाई सम्झाँउदै भने ‘तपाईहरुले यसलाई जति हेरचाहा गर्न सक्नुहुन्छ त्यति नै छिट्टै आम्दानी पनि लिन सक्नुहुन्छ ।’ रयालेका जस्तै नगरपालिकाभित्रका ३ सय किसानले यो वर्ष भैसीको पाडी पाउनेछन ।

पछिल्लो समय भैँसी लोपहुदैँ गएको भन्दै नगरपालिकाले कार्यक्रम नै बनाएर पाडी वितरण सुरु गरेको हो । नगरपालिकाले वडा नम्बर १ रयालेबाट यो वर्षका लागि भैँसीको पाडी वितरण सुरु गरेको छ । आफ्नो बार्षिक नीति तथा कार्यक्रममै भैँसी जोगाउ अभियान चलाउने योजना समावेश गरेको नगरपालिकाले वडा नम्बर १ का ४२ जना किसानलाई भैसीको पाडी वितरण गरेको हो । नगरपालिकाले अघिल्लो वर्षदेखि पाडी वितरण अभियान थालेको थियो । पाडीको बिमा, औषधी उपचार खर्च र सुत्केरी भत्ता पनि नगरपालिकाले प्रदान गर्छ ।

नगरपालिकाले वडा नम्बर १२ भूमिडाँडामा भैसी पालनका हिसाबले मूख्य पकेट क्षेत्रको रुपमा कार्यक्रम सञ्चालन गर्दैछ । यो वडामा यो वर्ष ५० वटा पाडी वितरण गरिने छ । पाडी वितरण कार्यक्रममा पुगेका प्रदेश सांसद बसुन्धरा हुमागाईले कार्यक्रम अत्यन्तै फलदायी र उदाहारणीय भएको बताए । ‘नगरपालिकाले दिएको सहयोग प्रत्यक्ष आफ्नै हातले थाप्न पाउँदा किसान दाजुभाइ दिदीबहिनी पनि खुशी नहुने कुरै भएन, उनले भने ‘किसानको जीवनस्तर सुधारेको दिन साच्चै मुलुक समृद्ध बन्ने छ ।’

नगरपालिकाले वडा नम्बर १ मा ४२ वटा, २ मा ३५ वटा, ३ मा ३० वटा र सात नम्बर वटामा ३ वटा मात्रै पाडी वितरण गर्ने नगरपालिकाका बरिष्ठ प्रशासकीय अधिकृत इन्द्रप्रसाद अधिकारीले जानकारी दिनुभयो । त्यस्तै वडा नम्बर ४, ५, ६, ८, ९, १० र ११ मा २०/२० वटा भैसीँको पाडी वितरण गरिनेछ । पाडीको माग गर्दै नगरभित्रको बाह्र वटा वडाका एक हजार किसान निवेदन दिएका थिए । यस वर्ष ३ सयवटा मात्रै पाडी वितरण हुने र बाँकी किसानलाई अर्को वर्ष त्यहि निवदेनका आधारमा वितरण गरिनेछ ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार