Logo

पाँचखाल नगरपालिका र इट्टा उद्योगीबीच जुहारी लम्बियो



धुलिखेल, ५ पुसः काभ्रेको पाँचखाल नगरपालिका र इट्टा उद्योग सञ्चालक बीच कुरा नमिलेपछि बैठक स्थगित भएको छ । शुक्रबार साझँसम्म बसेको बैठकले कुनै निष्कर्ष निकाल्न सकेन । बैठक आगामी मंगलबार बस्ने गरी बैठक स्थगित भएको उपप्रमूख लक्ष्मी दनुवारले जानकारी दिइन ।

नगरपालिकाले इट्टा भट्टाका कारण प्रदूषण बढेको भन्दै विकल्प खोज्न उद्योगीहरुलाई आग्रह गरेको छ । तर उद्योगीहरुले मानिरहेका छैनन् । ‘हामीले पाँचखालको वातावरण नबिग्रने गरी उद्योग सञ्चालन गर्नोस भनेका हौँ, उपप्रमूख दनुवारले भनिन ‘उद्योगी सञ्चालकहरु मानिरनु भएको छैन, फेरी बैठक बसेर सहमति खोज्छौँ ।’

नगरपालिकाले विद्यूतीय मेसिनको प्रयोग गर्न उद्योगीहरुलाई भनेको हो । उद्योगीहरले भने दाउराबाटै इट्टा पोल्न पाउनुपर्ने माग छोडेका छैन् । जसका कारण बिना सहमति बैठक स्थगित भएको हो । ‘अहिले वातावरण अनुकुल मेसिनहरु आइसकेका छन्, हामीले त्यस तर्फ उद्योगीहरुलाई जान आग्रह गरिरहेका छौँ, उपप्रमूख दनुवारले भनिन् ‘तर उहाँ मानिरहनु भएको छैन, जनताको स्वास्थ्यलाई असर पर्ने गरी कसैले काम गर्न पाइदैँन ।’

पाँचखाल नगरपालिकाभित्र ७ वटा इट्टा उद्योग सञ्चालमा छन् । उद्योगीहरुले भने मेसिन नै जडान गर्ने भएपनि कुन मेसिन भरर्दो छ भनेर नगरपालिकाले सिफारिस गर्नुपर्ने बताएका छन । नवदुर्गा भवनी इट्टा इन्ड्रस्टिजका सञ्चालक जितेन्द्र खायमालीले मेसिन जडानपछि प्रदूषण कम हुन्छ भन्ने ढुक्क नहुदाँसम्म जडान गर्न नसकिने बताए ।

‘कुन मेसिन जडान गर्दा कतिसम्म प्रदूषण कम हुन्छ भनेर नगरपालिकाले ब्यवसायीहरुलाई भनिदिनु पर्यौ, हाम्रो हैसियत भ्याएसम्मको मेसिन जडान गर्न आत्तुर छौँ, हामी नगरपालिकाले थालेको अभियानलाई भरपुर सहयोग पनि गर्छौ ।, उनले भने ‘तर मेसिन जडान गर्नु भनेर मात्रै समस्याको समाधान हुदैँन ।’

काभ्रे जिल्ला इट्टा उद्योग संघका अध्यक्ष समेत रहेका खायमाली स्वच्छ वातावरण निर्माणका लागि इट्टा उद्योगीहरु पनि जिम्मेवार रहेको बताए ।

यसअघि जिल्लाको नमोबुद्ध नगरपालिकाले प्रदूषण बढाएको भन्दै नगरपालिकाभित्र सञ्चालनमा रहेका सबै इट्टा उद्योग बन्द गराएको थियो ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार