Logo

सिन्धुपाल्चोक बस दुर्घटनाका ६ जनाको सामूहिक अन्त्येष्टि, चालकको बेखबर, श्रीमतीको शव अस्पतालमै



धुलिखेल, ३० मंसिर सिन्धुपाल्चोकमा बस दुर्घटनामा परी मृत्यु भएकामध्ये ६ जनाको सोमबार सामूहिक अन्त्येष्टि गरिएको छ । सुनकोसी नदी किनारमा मृतकको अन्त्येष्टि गरिएको हो ।

हिजो बिहान सुनकोसी गाउँपालिकाको वडा नम्बर ५ को ६ किलो भन्ने ठाउँमा बस दुर्घटना हुँदा १५ जनाको मृत्यु भएको थियो । सिन्धुपाल्चोकको जुगल गाउँपालिका–७, याङ्लकोटका पाँच र बलेफी गाउँपालिका–५, चिम्लिङका एक गरी ६ जनाको सामूहिक अन्त्येष्टि गरिएको इलाका प्रहरी कार्यालय बाह्रबिसेका प्रहरी निरीक्षक नवराज न्यौपानेले जानकारी दिए । मृतक अरु ७ जनाको शव ‘पोस्टमार्टम’ सकेर हिजो साँझ नै परिवारले बुुझेर लगिसकेका छन् । प्राथमिक स्वास्थ्य केन्द्र बाह्रबिसेमा १४ शवको पोस्टमार्टम गरिएको थियो ।

यसैबीच दुर्घटनाग्रस्त बसका चालक सुमन तामाङ अझैपनि सम्पर्कमा आएका छैनन् । चालक तामाङकी श्रीमती सुनिता तामाङको समेत दुर्घटनामा मृत्यु भएको थियो । सुनिताको शव अझैपनि परिवारले बुझ्न नआएको प्रहरीले जनाएको छ । उनको शव प्राथमिक स्वास्थ्य केन्द्र बाह्रबिसेमै राखिएको छ ।

सिन्धुपाल्चोकको इन्द्रावती गाउँपालिका–१० का चालक तामाङको मोबाइल ‘स्वीच अफ’ रहेको र खोजतलास गर्दासमेत फेला नपरेको प्रहरीको भनाइ छ । दोलखाको कालिन्चोकबाट भक्तपुरतर्फ आउँदै गरेको बा २ ख ४४६८ नम्बरको ‘रिजर्भ’ बस दुर्घटनामा परेको थियो । भक्तपुरमा डेरा गरी बस्नेहरु बस रिजर्भ गरी शनिबार दोलखाको कालिन्चोक भगवती मन्दिर दर्शन गर्न गएका थिए । फर्कनेक्रममा दुर्घटनामा परेका हुन् ।

यसैबीच प्रधानमन्त्री केपी शर्मा ओलीले सिन्धुपाल्चोकको सवारी दुर्घटनामा आमाको निधन भएर दूधे बालक बेवारिस भएको खबर पढ्दा आफू निकै भावुक भएको बताएका छन । साथै उनले सडक दुर्घटना न्यूनीकरण गर्ने कार्ययोजना बनाएर तत्काल लागू गर्न निर्देशन पनि दिए । सोमबार गृह र भौतिक पूर्वाधार तथा यातायातमन्त्री तथा मन्त्रालयका पदाधिकारीलाई बालुवाटार बोलाएर प्रधानमन्त्री ओलीले घटनाबारे चासो राखेका हुन ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार