Logo

पाँचखालमा निर्माधिन सेजको अर्थमन्त्रीद्धारा निरीक्षण, काममा ढिलासुस्ती नगर्न निर्देशन



धुलिखेल २१ मंसिर: अर्थमन्त्री डाक्टर युवाराज खतिवडाले काभ्रेको पाँचखालमा निर्माण भइरहेको विशेष आर्थिक क्षेत्र (सेज) को स्थलगत निरीक्षण गरेका छन् ।

शनिबार निर्माणस्थल पाँचखालको होक्सेमा पुगेर अर्थमन्त्री खतिवडाले सेज निर्माणका लागि बजेट अभाव हुन नदिने बताएको खतिवडासँगै पुगेका नेकपा काभ्रेका नेता कञ्चन अधिकारीले जानकारी दिए । मन्त्री खतिवडाले निर्माणमा कुनै ढिला सुस्ती नगर्न पनि निर्माण ब्यवसायीलाई निर्देशन दिएका छन् । ‘काममा कुनै ढिला सुस्ती सह्य हुने छैन्, मन्त्री खतिवडाले भने ‘आवश्यक बजेटको ब्यवस्था हुन्छ, ढुक्क भएर काम गर्नोस् ।’

सेज निर्माणका लागि सरकारले पाँचखाल नगरपालिकाको वडा नं ७ र ८ होक्सेमा पर्ने सामुदायिक वनको एक हजार रोपनी क्षेत्रफल जमिन २०६८ सालमै अतिग्रहण गरेको थियो । तर पनि काम भने निकै सुस्त छ । सेज निर्माणका लागि तत्कालिन होक्सेबजार गाविस ३ को शिखपुर सामुदायिक वन उपभोक्ता समितिको ४ सय ६० रोपनी १५ दाम र देवीस्थान पाडुल्ला स्वर्णस्वरी सामुदायिक वन उपभोक्ता समितिको ५ सय ३९ रोपनी १ दाम क्षेत्रफल जमिन सरकारले अतिग्रहण गरेको हो ।

अहिले सेज निर्माणस्थलमा मूख्य प्रशासनिक भवन निर्माण भइरहेको छ । त्यस्तै पर्खालको काम पनि अघि बढेको छ । उद्योग सञ्चालनका लागि चाहिने आवश्यक ठाउँमा रुख कटानको काम अघि बढ्न सकेको छैन । मन्त्री खतिवडाले तोकिएकै समयमा काम सम्पन्न गरी सेज सञ्चालनमा ल्याउन ठेक्केदारलाई निर्देशन दिएका छन । मन्त्री खतिवडाले काममा सहयोग गर्न स्थानीयहरुलाई पनि आग्रह गरे ।

उद्योग मन्त्रालयले चीन तर्फ निर्यात बढाउने उद्देश्यले पाँचखालमा सेज स्थापना गर्न लागेको भएपनि भूकम्प र बाढीका कारण चीनसँग नेपालको प्रमूख ब्यापारिक तातोपानी नाका बन्द भएपछि सेज निर्माणले गति लिन सकेको थिएन । मन्त्रालयको मास्टर प्लान अनुसार एक हजार रोपनी क्षेत्रफलमा फैलिएको जमिनमा ५७ वटा उद्योगका भवन रहने छ । माटो परीक्षण, जग्गाको सर्भे, भवन डिजाइन, सडक सर्भे लगायतको काम सकिएको छ ।

अर्थमन्त्री खतिवडाले पाँचखालमा बन्ने भनिएको मदनभण्डारी विश्वविद्यालयको निर्माण स्थलको पनि अवलोकन गरेका छन् । पाँचखाल नगरपालिकाको ७, १० र १२ नम्बर वडाको १० हजार रोपनी क्षेत्रफल जमिनमा विश्व विद्यालय बन्ने छ । अर्थमन्त्री खतिवडाले पाँचखालसम्म सुरुङ मार्गको अध्ययन पनि गरिने बताए ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार