• काजल तामाङ

धुलिखेल, २२ कार्तिक :  काभ्रेको मण्डनदेउपुर नगरपालिकाको हिंगुवा पाटी–गैरीबिसाउन–नगरकोट सडक कालोपत्रे हुने भएको छ । पहिलो चरणमा हिंगुवापटी देखी ९०० मिटर कालो पत्रेहुने सडकको शिलान्यास कार्तिक २१ गते नगरकाप्रमुख टोक बादुर वाईबाले गरेका छन् ।

मण्डनदेउपुर नगरपालीका र ३ नं प्रदेशको साझेदारीमा करिब २ करोड बजेटले सो मोटरबाटो कालोपत्रे लागेको नगरप्रमुख बाईवाले बताएका छन् । नगरका ईन्जीनीयर निर्मल गौतमका अनुसार कालो पत्रेको चौडाई ६ मिटरको हुनेछ ।

सडकको टेन्डर आह्वान पछि फट्केस्वर निमार्ण सेवा कम्पनी मेलम्चीले काम थालेका छन् । कम्पनीले सम्झौता भएको मितीबाट छ महीना भित्रमा काम सकेर नगरपालीकालाई हस्तान्तरण गर्नुपर्ने गरी ईन्जीनीयर निर्मल गौतमले जनाएको जनाएको छ ।