Logo

गाउँघरबाट शहरबासीलाई दशैंको खुराक ल्याइँदै



बनेपा, १५ असोजः उहिले पूर्खाले सन्ततीलाई आत्म निर्भर बन्न प्रेरित गरेका थिए । आफ्ना आवश्यकता अनुसारका सामग्रीहरु आफैं निर्माण गर्दथे ।

बोक्नका लागि धेरै गहकिलो नहुने यो चित्राको टोकरी हाम्रा ग्रामीण समुदायलाई निकै काम लाग्ने भाँडो हो । आफ्नै भूगोल, आफ्नै माटो र आफ्नै सिर्जना तथा सीपमा निर्माण गरिएका यस्ता टोकरीहरु बुन्ने सीप त पूर्खाले छाडेकै थिए । तर, हाम्रो नेपाली समाज आधुनिकतातर्फ उन्मुख छ । सीप भए पनि उपयोगमा ल्याउँदैन । मतलब परनिर्भर भएर हिड्न रुचाउँछ ।

गाउँघरमा देखिने नेपाली मौलिकताको यस्ता चित्र, फुङ्लाहरु लोपहुँदै जान थालेका छन् । पूर्वको व्यापारिक नाका काभ्रेको बनेपामा ग्रामीण भेगबाट दशैंका लागि यी युवा निङ्गालोबाट बनेको टोकरीमा यसरी कुखुरा ल्याउँदैछन् । शहरबासीको घरआँगनमा दशैंको आवश्यकता पूरा गर्न लोकल कुखुरा भित्र्याउँदै छन् ।

प्रतिक्रिया दिनुहोस्