धनकुटा, २१ पुस धनकुटाको साँगुरीगढी गाउँपालिका–३ डुम्रेमा आज ट्र्याक्टर दुर्घटना हुँदा चालकको मृत्यु भएको छ । धरानबाट पाँचथर जाँदै गरेको को२त ७८५३ नंको ट्र्याक्टर दिउँसो करीब ३ बजे डुम्रेमा पल्टिएको हो ।
दुर्घटनामा परी ट्र्याक्टर चालक सिरहा करजना–५ का ३० वर्षीय सञ्जिव पासवानको घटनास्थलमै मृत्यु भएको धनकुटाका प्रहरी प्रमुख सुरेन्द्रबहादुर गुरुङले जानकारी दिनुभयो । उहाँका अनुसार तमोर लिफ्टिङ खानेपानी आयोजनाको सामान लिएर जाँदै गरेको ट्र्याक्टर सडकबाट करीब ५० मिटर तल तमोर नदी किनारमा खसेको हो ।
प्रतिक्रिया