Logo

काभ्रेको पाँचखालमा ‘चिस्यान केन्द्र निर्माण गरिने’ मुख्यमन्त्री पौडेल



काभ्रेपलाञ्चोक २१ पुस :  प्रदेश नं ३ का मुख्यमन्त्री डोरमणि पौडेलले प्रत्येक जिल्लामा चिस्यान केन्द्र निर्माण गरिने बताउनुभएको छ ।

पाँचखाल नगरपालिका–४ तामाघाटस्थित आर्थिक बचत तथा ऋण सहकारी संस्थाको नवनिर्मित भवन उद्घाटन एवं १२औँ वार्षिक साधारणसभामा मुख्यमन्त्री पौडेलले भन्नुभयो, “ प्रदेश नं ३ का प्रत्येक जिल्लाका कोल्ड स्टोरेज निर्माण गर्छौं, जसबाट कृषकले आफ्ना उत्पादन एवं बीउविजन सुरक्षित राख्न सक्नुहुन्छ ।”

उहाँले चिस्यान केन्द्र निर्माणका लागि प्रत्येक जिल्लालाई रु चार करोड बजेट विनियोजन गरिने बताउनुभयो । मुख्यमन्त्री पौडेलले प्रदेश सरकारले निर्माण गर्ने चिस्यान केन्द्रका लागि सहकारी साझेदारी बन्नसक्ने बताउनुभयो । उहाँले भन्नुभयो, “सहकारीको काम बचत र ऋण मात्रै हैन, एक अर्काबीच सहकार्य गर्ने पनि हो, चिस्यान केन्द्रमा साझेदारी बन्नुहोस् ।”

मुख्यमन्त्री पौडेलले नाङ्लो पसलजस्तै खुलेका सहकारीबीच एकीकरण हुनुपर्छ भन्नुभयो । उहाँले भन्नुभयो, “नेपालमा ३७ हजार सहकारी छन्, क्वालिटीमा ध्यान नदिई क्वान्टिटीमा मात्रै जोड दिइयो, यो राम्रो पक्ष हैन ।”

मुख्यमन्त्री पौडेलले प्रदेश सरकारले सहकारीको सहकार्यमा उद्योग पनि खोल्न सकिने बताउनुभयो । “हामी उत्पादनमुलक क्षेत्रमा सहकारीसँग सहकार्य गर्न चाहान्छौँ, यसबाट सहकारी सदस्यको उत्पादनमुलक क्षमता बढ्छ, रोजगारीका अवसर पनि सिर्जिन्छन्”, उहाँले भन्नुभयो ।

मुख्यमन्त्री पौडेलले सरकार र सहकारी मिलेर ‘समृद्ध नेपाल, सुखी नेपाली’को अवधारणाले सार्थकता पाउने बताउँदै भन्नुभयो, “सरकार–सहकारी तथा सहकारी–सहकारीले उत्पादनमुलक क्षेत्रमा लगानी गरी आफैले बजार व्यवस्थापन गर्दा विचौलियाको समस्या हुन्न र उत्पादनकर्ताले उचित मूल्य पाउँछन् ।”

मुख्यमन्त्री पौडेलले ‘१० महिने शिशुजस्तो प्रदेश सरकार’ले हालसम्म नीति, नियम र कानून बनाएसँगै महत्वपूर्ण कामको शुरुआत गरेको बताउँदै दृढताका साथ अघि बढेको बताउनुभयो । उहाँले भन्नुभयो, “पहिला कर्मचारी पर्याप्त थिएनन्, अब व्यवस्थापनपछि विकासका कामले अग्रता लिनेछन् ।”

उहाँले राजनीतिक परिवर्तन भए पनि मानसिकतामा परिवर्तन नभइसकेको बताउँदै अब हरेक क्षेत्रले काम गर्दा समृद्धिको यात्रा उन्मुख हुनुपर्छ । सो अवसरमा प्रदेश सांसदद्वय लक्ष्मण लम्साल र दिपक निरौलाले सहकारी क्षेत्रलाई राम्रो प्रकारले अघि बढाउन प्रदेशसभामा सहकारी ऐन निर्माणसम्बन्धी छलफल भइरहेको बताउनभुयो ।

कार्यक्रममा संस्थाका अध्यक्ष सरोज सापकोटाले करीब आठ हजार सदस्य रहेको सहकारीले हाल रु ३१ करोड २२ लाख १७ हजार कारोवार गरिरहेको जानकारी दिनुभयो । रासस ,राजकुमार पराजुली 

 

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार