Logo

काभ्रे जिल्लाकै पहिलो साक्षर नगर मण्डनदेउपुर



काठमाण्डौ पुस १७ :  काभ्रेको मण्डदनदेउपुर नगरपालिकालाई काभ्रे जिल्लाकै पहिलो साक्षर नगर घोषणा गरिएको छ । नगरभित्रका ९५ प्रतिशत भन्दा बढी नागरिक साक्षर भएपछि  साक्षर नगर घोषणा गरिएको हो ।

नेपाल सरकारका प्रवक्ता सञ्चार तथा सुचना प्रविधि मन्त्री गोकुल बाँस्कोटाले नगरप्रमूख टोक बहादुर वाईबालाई साक्षर नगर भएको प्रमाणपत्र हस्तान्तरण गरेका थिए ।

साक्षर नगरपालिका घोषणा कार्यक्रममा बोन्दै मन्त्री बाँस्कोटाले विकसित मुलकहरुमा समेत ९० प्रतिशत साक्षर दर नरहेको दाबी गर्दै मण्डनदेउपुर नगरपालिकालाई हरेक पक्षबाट नमूना बनाउने बताए । ‘मुलुकलाई समृद्ध बनाउन गाउँबाटै सुरु गर्ने हो, मन्त्री बाँस्कोटाले भने ‘सपना देखेर मात्रै हुन्दै सपना पुरा गर्न दृढ इच्छाशक्ति र संकल्प आवश्यक पर्छ ।’

मन्त्री बाँस्कोटाले नगरलाई प्रविधि मैत्री बनाएर आम नगरबासीको कामलाई छिटो, छरितो र भरपर्दो गर्न नगरपालिकालाई सुझाव समेत दिए ।

नगर प्रमुख टोक बहादुर वाईबाले नगरको शैक्षिक विकासमा नयाँ प्रविधि अपनाइएको जानकारी गराउँदैँ भावीदिनमा प्रविधिको उच्चतम प्रयोग गरी आम नगरबासीको सेवा सुविधालाई सहज बनाउने बताए । ‘हामी हाम्रो नगरबासीको सेवा प्रवाहलाई मजबुत, भरपर्दो र छिटो बनाउन कसरी सकिन्छ भन्ने कुरामा चिन्तित छौँ, उनले भने ‘यसमा सबैको भूमिका आवश्यक छ ।’

कार्यक्रममा नेपाली काँग्रेस काभ्रेका उपसभापति अच्यतु प्रसाद पौडेलले साक्षर नगर घोषणाले दिर्घकालिन् प्रभाव पर्ने भन्दै अन्य स्थानीय निकायलाई समेत उदाहरणीय बन्ने बताए ।

प्रमूख प्रशासकिय अधिकृत मोहन अधिकारीले नगरपालिकाभित्रका विद्यालय, सामुदायिक अध्यन केन्द्र, विभिन्न सामाजिक संघसंस्था, वुद्धिजीवि लगायतको सहयोगले नगरलाई साक्षर घोषणा गर्न मद्दत पुगेको भन्दै आगमी दिनमा पनि सामाजिक काममा सहकार्य गर्दै जाने बताए ।

कार्यक्रममा प्रदेश सांसद लक्ष्मण लम्साल,बसुन्धरा हुमागाई, जिल्ला समन्वय समितिका प्रमुख उद्धव केसी लगायतले साक्षर नगर घोषणाको प्रसंशा गर्दै अन्य नगरपालिककाले समेत यहिबाट सिक्नु पर्ने बताए ।

स्थानीय पार्वती सोपकाटाले आफुहरु सामान्य साक्षर मात्रै भएको भन्दै दैनिक जीवन सहज बनाउन अझै बढी शिक्षा हासिल गर्न जरुरी रहेको बताइन् । ‘हामी सामान्य साक्षर भएका छौँ, उनले भनिन् ‘अझ धेरै सिक्ने वातावरण घर परिवार, समाज र नगरपालिकाले बताइदिनु पर्छ ।’ शिक्षा नै समाज परिवर्तनको संवाहक हो भन्दै उनले थपिन् ‘शिक्षाले मानिसलाई सक्षम मात्रै बनाउँदैन रहेछ, घर, परिवार र समाज परिवर्तनमा रहेको बिकृति, विसंगती हटाउन समेत महत्वपूर्ण भूमिका निर्वाह गर्दछ ।

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार