Logo

टिम्सलाई व्यवस्थित गरिन्छ : मन्त्री अधिकारी



काठमाडौँ, १२ पुस : संस्कृति, पर्यटन तथा नागरिक उड्डयन मन्त्री रवीन्द्र अधिकारीले पदयात्रा पर्यटनलाई व्यवस्थित गर्न पदयात्री सूचना प्रणाली (टिम्स) लाई व्यावहारिक बनाइने बताउनुभएको छ । ट्रेकिङ एजेन्सिज एशोसिएसन अफ नेपाल (टान) को ४०औँ वार्षिक साधारणसभाको आज यहाँ उद्घाटन गर्दै उहाँले पदयात्रा क्षेत्रमा भएका विकृति र विसङ्गति हटाएर पेशालाई व्यावसायिक र मर्यादिक ढङ्गले अघि बढाउन सरोकार भएका निकाय गम्भीर हुनुपर्नेमा जोड दिनुभयो ।

मन्त्री अधिकारीले भन्नुभयो, “मुलुकको पर्यटनको महत्वपूर्ण पाटो पदयात्राको क्षेत्रमा पछिल्ला दिनमा केही व्यक्तिका गलत क्रियाकलापले समग्र पर्यटन क्षेत्रमा नकारात्मक असर परेको छ, त्यसैले सरकार र निजी क्षेत्रको सहकार्यलाई बलियो बनाएर अघि बढ्नुपर्ने अवस्था आएको छ ।” नियन्त्रित क्षेत्रको पदयात्रालाई खुला गर्न सरकारले पहल गरिरहेको र यो चाँडै टुङ्गो लाग्ने मन्त्री अधिकारीको भनाइ थियो ।

कार्यक्रममा नेपाली काङ्ग्रेसका नेता एनपी साउदले थोरै रकममा धेरै प्रतिफल दिने अर्थतन्त्रको महत्वपूर्ण आधार पर्यटन क्षेत्रको प्रवद्र्धनका लागि सबैको सहकार्य जरुरी भएको उल्लेख गर्नुभयो ।

पूर्व पर्यटन राज्यमन्त्री याङ्किला शेर्पाले पदयात्रालाई व्यवस्थित ढङ्गले सञ्चालन गर्न व्यवसायीमैत्री नीति र पूर्वाधार विकासका साथै सेवा गुणस्तरमा ध्यान दिनुपर्ने खाँचो औँल्याउनुभयो । टानका अध्यक्ष नवराज दाहालले पदयात्रा व्यवसायलाई मर्यादित ढङ्गले सञ्चालनको वातावरण बनाउन संस्था लागिपरेको बताउनुभयो ।

सो अवसरमा टानले प्रकाशन गरेको जानकारी मूलक सूचना पत्रिका ‘टान जर्नी’ र टान डाइरी पर्यटनमन्त्री अधिकारीले विमोचन गर्नुभएको थियो । कार्यक्रममा धेरै टिम्स बिक्री गर्ने उत्कृष्ट १० ट्रेकिङ कम्पनी र पदयात्रा पर्यटनबारे प्रचारप्रसारमा योगदान पु¥याएको भन्दै विभिन्न सञ्चारमाध्यमका छ पत्रकारलाई सम्मान गरेको छ ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार