Logo

सकारात्मक परिवर्तनको लागि समाचार लेख्नुस् : मन्त्री बाँस्कोटा



काठमाडौँ, २१ मङ्सिर : सञ्चार तथा सूचना प्रविधिमन्त्री गोकुलप्रसाद बाँस्कोटाले सञ्चार माध्यमहरुले अब आर्थिक समृद्धि, सुशासन र भ्रष्टाचार नियन्त्रण गर्न तथ्यगत, यथार्थपरक र सही समाचार सम्प्रेषणलाई प्राथमिकता दिनुपर्ने बताउनुभएको छ । आज नेपाल आर्थिक पत्रकार सङ्घ (नाफिज) को चौथो साधारणसभाबाट निर्वाचित कार्यसमितिलाई बधाई तथा शुभकामना दिन आयोजित समारोहमा सञ्चारमन्त्री बाँस्कोटाले भन्नुभयो, “कसैको आलोचना गर्नकै लागिभन्दा तथ्यमा आधारित भएर समाजको सकारात्मक परिवर्तनको लागि समाचार लेख्नुस् ।”

सरकारको प्रवक्तासमेत रहनुभएका मन्त्री बाँस्कोटाले आर्थिक सुशासन र भ्रष्टाचार नियन्त्रण गरी मुलुकको आर्थिक समृद्धिका लागि पत्रकार लड्नुपर्ने दिन आएको उल्लेख गर्दै त्यसका लागि सहयोग गर्न सरकार सधैँ तयार छ भन्नुभयो । उहाँले देशमा ठूलाठूला आन्दोलनले मुलुकमा शान्ति आएको र शान्ति आएसँगै समृद्धिको बाटोमा मुलुक अघि बढेको भन्दै अब नयाँ पुस्ताले पहिलेको जस्तो सास्ती खेप्न नपर्ने बताउनुभयो । सो अवसरमा नेपाल पत्रकार महासङ्घका महासचिव रमेश विष्टले प्रेस स्वतन्त्रताका लागि सरकारलाई गम्भीर बनिदिन आग्रह गर्नुभयो ।

साधारणसभाले सीताराम भट्टराईको अध्यक्षतामा १९ सदस्यीय नयाँ कार्यसमिति सर्वसम्मतले चयन गरेको छ । नवनिर्वाचित उपाध्यक्षमा इन्द्र बानियाँ, राजेश बर्मा र छविलाल बगाले, महासचिवमा नारायणप्रसाद पौडेल, सचिवमा चन्दा कार्की, कोषाध्यक्षमा रोयल आचार्य र सहसचिवमा विजय दमासे निर्वाचित हुनुभएको छ । कार्यसमितिको सदस्यमा कृष्णप्रसाद भट्टराई, अर्जुन पन्त, प्रजिता बुढाथोकी, मल्लिका घिमिरे, मोहम्द अजमत अली, रोविन पौडेल, दिप्ती भट्ट, रीना खत्री, शान्ति श्रेष्ठ, डोमी शेर्पा र फणीन्द्र दाहाल सर्वसम्मतले निर्वाचित हुनुभएको छ ।
-रासस

प्रतिक्रिया दिनुहोस्

नेपाल विद्यालय कर्मचारी युनियनको केन्द्रीय समितिको बैठक सम्पन्न

काठमाडौ २४ पुस :  सामुदायिक विद्यालयका कर्मचारीहरुको पेशागत संगठन नेपाल विद्यालय कर्मचारी युनियनको केन्द्रीय समितिको

कक्षा १२ को परीक्षाफल प्रकाशित : सात हजार ३६ जनाले ल्याए ‘ए प्लस’

काठमाडौं, १७ मंसिर :  कक्षा १२ को परीक्षाफल प्रकाशित भएको छ । राष्ट्रिय परीक्षा बोर्डका

कक्षा १२ सहित सबै परीक्षा स्थगित गर्न सिफारिस

काठमाडौं, २२ साउन :  स्वास्थ्य तथा जनसंख्या मन्त्रालयले कक्षा १२ सहितका सबै परीक्षा स्थगित गर्न

काभ्रेको १६ वटा क्याम्पसलाई विश्वविद्यालय अनुदान, सबैभन्दा बढी काभ्रे बहुमुखी क्याम्पसलाई

धुलिखेल २६ जेठ :  विश्वविद्यालय अनुदान आयोग (यूजीसी) ले काभ्रेको १६ वटा क्याम्पसलाई अनुदान अनुदान

त्रिविद्वारा स्थागित परीक्षा सञ्चालन गर्न विद्यार्थीलाई घर पायकमै परीक्षा केन्द्रको व्यवस्था

काठमाडौं, २२ जेठ :  त्रिभुवन विश्वविद्यालयले विद्यार्थीलाई परीक्षा केन्द्र परिवर्तन गर्न दिएर स्थागित परीक्षा सञ्चालन

बाल विकास केन्द्रका शिक्षकको तलब बढ्यो

काठमाण्डौ १५ जेठ :  सरकारले प्रारम्भिक बाल विकास केन्द्रका शिक्षकको तलब बढाएर न्यूनतम १५ हजार