काठमाडौँ, १८ मंसीर : सवारी दुर्घटना गराएर भाग्ने क्रममा काभ्रेको बनेपा नगरपालिका वडा नं. ५ घर भएका एक सवारी चालकलाई प्रहरीले सिसिटिभी क्यामेराको सहयोगमा मंगलबार पक्राउ गरेको छ ।
यही मङ्सिर १२ गते बिहान चार बजे टेकुमा दुर्घटना गराएर भाग्ने बनेपा–५ का कुमार श्रेष्ठलाई प्रहरीले सोमबार पक्राउ गरी मंगलबार सार्वजनिक गरेको हो । टेकुमा भएको सडक दुर्घटनामा कञ्चनपुर भीमदत्तनगर–१८ का जीवन सिंह घाइते भएका थिए ।
उपचारका लागि राष्ट्रिय ट्रमा सेन्टरमा लैजाने क्रममा सिंहको मृत्यु भएको थियो । प्रहरीले प्रविधिको प्रयोग गरेर दुर्घटना गराई भाग्नेलाई पक्राउ गर्न सफल भएको छ। सिसिटिभी फुटेजका आधारमा बा १८ च ३२९३ नम्बरको भ्यान खोज्दै जाँदा प्रहरीले श्रेष्ठलाई पक्राउ गरेको महानगरीय प्रहरी परिसरका प्रवक्ता प्रहरी नायब उपरीक्षक होमिन्द्र बोगटीले बताएका छन् ।
प्रतिक्रिया